7th Pay Commission: ପରବର୍ତ୍ତୀ ମାସ ଅର୍ଥାତ୍ ମେ ମାସରୁ କେନ୍ଦ୍ରୀୟ କର୍ମଚାରୀଙ୍କ ଉପରେ ଟଙ୍କା ବର୍ଷା ହେବାକୁ ଯାଉଛି । କେନ୍ଦ୍ର ସରକାର କେନ୍ଦ୍ରୀୟ କର୍ମଚାରୀଙ୍କ ମହଙ୍ଗା ଭତ୍ତାକୁ (Dearness Allowance) ୩ ପ୍ରତିଶତ ବୃଦ୍ଧି କରି ଦେଇଛନ୍ତି । ଏହା ସହିତ କେନ୍ଦ୍ରୀୟ କର୍ମଚାରୀଙ୍କ ମହଙ୍ଗା ଭତ୍ତା ୩୧ ପ୍ରତିଶତରୁ ୩୪ ପ୍ରତିଶତକୁ ବୃଦ୍ଧି ପାଇଛି । ଏହା ସହିତ ଅର୍ଥ ମନ୍ତ୍ରଣାଳୟ ଏ ସମ୍ପର୍କରେ ବିଜ୍ଞପ୍ତି ଜାରି କରିଛନ୍ତି। ଜାନୁଆରୀ ମାସରୁ ବର୍ଦ୍ଧିତ ମହଙ୍ଗା ଭତ୍ତା ପ୍ରଯୁଜ୍ୟ ହେବ ବୋଲି ସରକାର ସ୍ପଷ୍ଟ କରିଛନ୍ତି ।
ଏହି ବିଜ୍ଞପ୍ତିରେ କୁହାଯାଇଛି ଯେ ଜାନୁୟାରୀ ୧,୨୦୨୨ଠାରୁ କେନ୍ଦ୍ରୀୟ କର୍ମଚାରୀଙ୍କ ପ୍ରିୟତା ଭତ୍ତା (DA) କୁ ୩୧ପ୍ରତିଶତରୁ ୩୪ ପ୍ରତିଶତକୁ ବୃଦ୍ଧି କରି ଦିଆଯାଇଛି । ସରକାର କହିଛନ୍ତି କି ଏପ୍ରିଲ ମାସର ଦରମା ବୃଦ୍ଧି ପାଇକି ଆସିବ । ଏହା ସହିତ ସରକାର ସ୍ପଷ୍ଟ କରିଛନ୍ତି ଯେ ଜାନୁଆରୀରୁ ମାର୍ଚ୍ଚ ମଧ୍ୟରେ ବକେୟା ଅର୍ଥ ମଧ୍ୟ ମଇ ମାସରେ କର୍ମଚାରୀମାନଙ୍କୁ ଦିଆଯିବ |
କେନ୍ଦ୍ର ସରକାରଙ୍କ ଏହି ଘୋଷଣା ଏକ କୋଟିରୁ ଅଧିକ ସରକାରୀ କର୍ମଚାରୀ ଏବଂ ପେନସନଭୋଗୀ ଅର୍ଥାତ୍ ୫୦ଲକ୍ଷ କର୍ମଚାରୀ ଏବଂ ୬୫ଲକ୍ଷ ପେନ୍ସନ୍ଭୋଗୀଙ୍କୁ ଉପକୃତ କରିବ । କେନ୍ଦ୍ରୀୟ କର୍ମଚାରୀଙ୍କୁ ମହଙ୍ଗା ଭତ୍ତା ଏବଂ ପେନସନଭୋଗୀଙ୍କୁ ମହଙ୍ଗା ଭରଣା ମିଳିତ ଭାବରେ ବାର୍ଷିକ ୯,୫୪୪.୫୦ କୋଟି ଟଙ୍କା ଖର୍ଚ୍ଚ ହେବ ।
ବାସ୍ତବରେ, କେନ୍ଦ୍ରୀୟ କର୍ମଚାରୀଙ୍କ ମୌଳିକ ଦରମା ୧୮,୦୦୦ ରୁ ୫୬,୯୦୦ ଟଙ୍କା ମଧ୍ୟରେ ହୋଇଥାଏ । ମହଙ୍ଗା ଭତ୍ତା ୩୪ ପ୍ରତିଶତ ହେବା ଦ୍ୱାରା ସର୍ବନିମ୍ନ ବାର୍ଷିକ ଦରମାର ହିସାବକୁ ଦେଖିବା ତ କେନ୍ଦ୍ରୀୟ କର୍ମଚାରୀଙ୍କ ସର୍ବନିମ୍ନ ମୌଳିକ ଦରମା ୧୮,୦୦୦ ଟଙ୍କା ଅଟେ । ଡିଏ ୩୪ ପ୍ରତିଶତ ହେବା ପରେ ଏହା ମାସକୁ ୫,୫୮୦ ରୁ ୬,୧୨୦ ଟଙ୍କାକୁ ବୃଦ୍ଧି ପାଇବ । ଅର୍ଥାତ୍ ଦରମା ମାସକୁ ୫୪୦ ଟଙ୍କା ବୃଦ୍ଧି ପାଇବ । ଏଭଳି ପରିସ୍ଥିତିରେ ମଇ ମାସରେ କର୍ମଚାରୀଙ୍କ ମୌଳିକ ଦରମା ୧୮,୦୦୦ ଟଙ୍କା ଥିବା କର୍ମଚାରୀଙ୍କ ଆକାଉଣ୍ଟରେ ୨,୧୬୦ ଟଙ୍କା (୫୪୦X୪ = ୨,୧୬୦) ବୃଦ୍ଧି ହେବ । ଅନ୍ୟପକ୍ଷରେ, ଯଦି ଆମେ ବାର୍ଷିକ ଭିତ୍ତିରେ ଦରମାକୁ ଦେଖିବା, ତେବେ ଏଥିରେ ୬,୪୮୦ ଟଙ୍କା ବୃଦ୍ଧି ହେବ ।
ଏଥିସହିତ ସର୍ବାଧିକ ମୌଳିକ ଦରମା ୫୬,୯୦୦ ର ବେତନରେ ମାସିକ ୧,୭୦୭ ଟଙ୍କା ବୃଦ୍ଧି ହେବ । ଏଭଳି ପରିସ୍ଥିତିରେ ମଇ ମାସରେ କର୍ମଚାରୀଙ୍କ ବାର୍ଷିକ ଦରମା ୫୬,୯୦୦ ଟଙ୍କା ଥିବା କର୍ମଚାରୀଙ୍କ ଆକାଉଣ୍ଟରେ ୭,୮୨୮ ଟଙ୍କା (୧,୭୦୭X୪ = ୬,୮୨୮) ବୃଦ୍ଧି ପାଇବ । ସେହି ଅନୁଯାୟୀ, ଏହି କର୍ମଚାରୀଙ୍କ ଦରମା ବାର୍ଷିକ ୨୦,୪୮୪ ଟଙ୍କା ବୃଦ୍ଧି ପାଇବ ।
ଯଦି କେନ୍ଦ୍ରୀୟ କର୍ମଚାରୀ ଚାହିଁବେ ତ ଦରମାର ହିସାବ ନିଜ ଦରମା ଅନୁସାରେ ହିସାବ ମଧ୍ୟ କରିପାରିବେ ।
ସର୍ବନିମ୍ନ ମୌଳିକ ଦରମା ଉପରେ ହିସାବ :-
ମୌଳିକ ଦରମା – ୧୮,୦୦୦ ଟଙ୍କା
ନୂତନ ମହଙ୍ଗା ଭତ୍ତା (୩୪%) – ୬,୧୨୦ଟଙ୍କା / ମାସକୁ
ନୂତନ ମହଙ୍ଗା ଭତ୍ତା (୩୪%) – ୭୩,୪୪୦ ଟଙ୍କା / ବର୍ଷକୁ
ମହଙ୍ଗା ଭତ୍ତା ଏପର୍ଯ୍ୟନ୍ତ (୩୧%) – ୫,୫୮୦ ଟଙ୍କା / ମାସକୁ
କେତେ ମହଙ୍ଗା ଭତ୍ତା ବୃଦ୍ଧି ହେଲା – ୬,୧୨୦ – ୫,୫୮୦ = ୫୪୦ଟଙ୍କା / ମାସକୁ
ମେ ମାସରେ କେତେ ମିଳିବ – ୫୪୦ X ୪ = ୨,୧୬୦ ଟଙ୍କା
ବାର୍ଷିକ ଦରମା ବୃଦ୍ଧି – ୫୪୦ X ୧୨ = ୬,୪୮୦ ଟଙ୍କା
ସର୍ବାଧିକ ମୌଳିକ ଦରମା ଉପରେ ହିସାବ :-
ମୌଳିକ ଦରମା – ୫୬,୯୦୦ ଟଙ୍କା
ନୂତନ ମହଙ୍ଗା ଭତ୍ତା (୩୪%) – ମାସକୁ ୧୯,୩୪୬ ଟଙ୍କା
ନୂତନ ମହଙ୍ଗା ଭତ୍ତା (୩୪%) – ବାର୍ଷିକ ୨,୩୨,୧୫୨ଟଙ୍କା
ମହଙ୍ଗା ଭତ୍ତା ଏପର୍ଯ୍ୟନ୍ତ (୩୧%) – ମାସ ୧୭,୬୩୯ ଟଙ୍କା
କେତେ ମହଙ୍ଗା ଭତ୍ତା ବୃଦ୍ଧି ପାଇଲା – ୧୯,୩୪୬ -୧୭,୬୩୯= ୧,୭୦୭ ମାସକୁ
ମଇ ମାସରେ ଆପଣ କେତେ ପାଇବେ- ୧,୭୦୭ X ୪ = ୬,୮୨୮ ଟଙ୍କା
ବାର୍ଷିକ ଦରମା ବୃଦ୍ଧି – ୧,୭୦୭ X ୧୨ = ୨୦,୪୮୪ ଟଙ୍କା
