ତୁଳସୀ ପତ୍ରକୁ ଶିବଲିଙ୍ଗ ଉପରେ କେବେବି ଚଢ଼ାଇବା ଉଚିତ୍ ନୁହେଁ । ବିଶେଷକରି ମହାଶିବରାତ୍ରୀ ଦିନ ଏହି ଭୁଲ ଆଦୌ କରିବା ଉଚିତ ନୁହେଁ । ଏହା ଦ୍ବାରା ଶିବ କ୍ରୋଧିତ ହୋଇଥାନ୍ତି ।
ପୂର୍ବ କାଳରୁ ରହି ଆସିଛି ଯେ ଶିବଲିଙ୍ଗରେ କ୍ଷୀର ଢ଼ଳାଯାଇଥାଏ । କିନ୍ତୁ ଆପଣ ଧ୍ୟାନ ଦେବା ଉଚିତ୍ ଯେ ଶିବଲିଙ୍ଗରେ ପାଶ୍ଚରୀକୃତ କିମ୍ବା ପ୍ୟାକେଟ୍ କ୍ଷୀର ଢଳାଯାଇନଥାଏ ସର୍ବଦା ଥଣ୍ଡା ଅର୍ଥାତ୍ କଞ୍ଚା କ୍ଷୀର ଢଳାଯାଇଥାଏ । ଶିବଲିଙ୍ଗ ଉପରେ ଗରମ କ୍ଷୀର ଚଢ଼ାଯାଏ ନାହିଁ ।
ଭଗବାନ ଶିବଙ୍କୁ ଫୁଲ ଅର୍ପଣ କରି ପ୍ରସନ୍ନ କରିବା ପାଇଁ ଚେଷ୍ଟା ମଧ୍ୟ କରାଯାଏ । କିନ୍ତୁ ଶିବଲିଙ୍ଗ ଉପରେ ଚମ୍ପା କିମ୍ବା କେତଲି ଫୁଲ ଚଢାଇବା ଉଚିତ୍ ନୁହେଁ ।
ଶିବଲିଙ୍ଗ ଉପରେ ଚାଉଳ ମଧ୍ୟ ଦିଆଯାଇଥାଏ । ପ୍ରତ୍ୟେକ ପୂଜା ପାଠରେ ମଧ୍ୟ ଏହାକୁ ବ୍ୟବହୃତ କରାଯାଇଥାଏ । ତଥାପି ଧ୍ୟାନରେ ରଖିବା ଉଚିତ୍ ଯେ ଏହି ଚାଉଳ କୌଣସି ସ୍ଥାନରୁ ଭାଙ୍ଗିବା ଉଚିତ୍ ନୁହେଁ କାରଣ ଭଙ୍ଗା ଚାଉଳ ଶିବଲିଙ୍ଗ ଉପରେ ଦିଆଯିବା ଉଚିତ୍ ନୁହେଁ ।
ଶିବଲିଙ୍ଗ ଉପରେ ଲୋକମାନେ ବେଲ ପତ୍ର ମଧ୍ୟ ଚଢ଼ାନ୍ତି । କିନ୍ତୁ ଶିବଲିଙ୍ଗ ଉପରେ ବିକୃତ କିମ୍ବା ଭଙ୍ଗା ବେଲ ପତ୍ର ଚଢ଼ାଇବା ଉଚିତ୍ ନୁହେଁ ।
ଶିବଲିଙ୍ଗ ଉପରେ କୁମକୁମ ତିଲକ ଲଗାଇବା ମଧ୍ୟ ନିଷେଧ ହୋଇଥାଏ । କିନ୍ତୁ ଆପଣ ଏହି କୁମକୁମ ତିଲକ କୁ ଦେବୀ ପାର୍ବତୀ ଏବଂ ଭଗବାନ ଗଣେଶଙ୍କ ମୂର୍ତ୍ତି ଉପରେ ଲଗାଇପାରିବେ ।
ଶାସ୍ତ୍ର ଅନୁଯାୟୀ, ଶିବଲିଙ୍ଗ ଅଭିଷେକ କରିବା ପାଇଁ ପ୍ରଥମେ ପଞ୍ଚାମୃତ ଅର୍ପଣ କରାଯିବା ଉଚିତ୍ । ଆପଣଙ୍କୁ କହିରଖୁଛୁ ଯେ ଦୁଗ୍ଧ, ଗଙ୍ଗାଜଳ, କେଶର, ମହୁ ଏବଂ ଜଳର ମିଶ୍ରଣକୁ ପଞ୍ଚାମୃତ କୁହାଯାଏ । ମହାଶିବରାତ୍ରୀରେ ଚାରି ପ୍ରହରରେ ପୂଜା କରାଯାଏ । ଶିବଲିଙ୍ଗକୁ ପ୍ରଥମ ପ୍ରହରରେ ପାଣି, ଦ୍ୱିତୀୟ ପ୍ରହରରେ ଦହି, ତୃତୀୟ ପ୍ରହରରେ ଘିଅ ଏବଂ ଚତୁର୍ଥ ପ୍ରହରରେ ମହୁ ସହିତ ଅଭିଷେକ କରାଯାଏ ।
