ଏମିତିରେ ବି ଅପମାନିତ ହେବା ପାଇଁ କିଏ ବା ପସନ୍ଦ କରନ୍ତି, କିନ୍ତୁ ଜୀବନରେ ଅନେକ ଥର ଏପରି ପରିସ୍ଥିତି ଉପୁଜେ ଯେତେବେଳେ ଆମକୁ ଅନ୍ୟମାନଙ୍କଠାରୁ ଅପମାନ ସହ୍ୟ କରିବାକୁ ପିଡ଼ିଥାଏ । ଅନେକ ଥର ନିଜେ କରିଥିବା ଭୁଲ୍ ପାଇଁ ଅପମାନିତ ହେବାକୁ ପଡିଥାଏ କିନ୍ତୁ ତାହା ମଧ୍ୟ ବ୍ୟକ୍ତି ସହି ବି ଯାଏ । କିନ୍ତୁ ଯଦି ଆପଣଙ୍କୁ ବିନା କୌଣସି କାରଣରେ ବିନା କିଛି ଭୁଲ ପାଇଁ ଅନ୍ୟ ମାନଙ୍କ ସାମ୍ନାରେ ଅପମାନିତ କରାଯାଏ ତାହେଲେ ତାହା ସହିବା ବହୁତ କଷ୍ଟ ହୋଇଥାଏ । ଏପରି ପରିସ୍ଥିତିରେ, ଅନେକ ଲୋକ ସଙ୍ଗେ ସଙ୍ଗେ ସେହି ବ୍ୟକ୍ତିଙ୍କ ଭାଷାରେ ଉତ୍ତର ଦେବା ଆରମ୍ଭ କରିଦିଅନ୍ତି, ଆଉ କିଛି ଲୋକ ଚୁପ୍ ମଧ୍ୟ ରହିଯାନ୍ତି ଏବଂ ବହୁତ ଲୋକ ଅଛନ୍ତି ଯେଉଁମାନେ ଏହି ପରିସ୍ଥିତିରେ କଣ କରିବେ ବୁଝିପାରନ୍ତି ନାହିଁ । ତେବେ ଅପମାନର ଉତ୍ତର ଦେବାର ସଠିକ୍ ଉପାୟ କଣ ଜାଣନ୍ତୁ ଆଚାର୍ଯ୍ୟ ଚାଣକ୍ୟଙ୍କ ନୀତିରେ କଣ କୁହାଯାଇଛି ।
ଆଚାର୍ଯ୍ୟ ଚାଣକ୍ୟଙ୍କ ନୀତି ଅନୁସାରେ, ଯେତେବେଳେ କେହି ଆପଣଙ୍କୁ ଅପମାନ କରନ୍ତି, ତାଙ୍କୁ ତାଙ୍କ ଭାଷାରେ ଉତ୍ତର ଦିଅନ୍ତୁ ନାହିଁ କାରଣ ତାଙ୍କର କାମ ହେଉଛି ଆପଣଙ୍କୁ ଉତ୍ତେଜିତ କରିବା, ସେଥିପାଇଁ ଏପରି ସ୍ଥାନରେ ଚୁପ୍ ରହିବେ ଏବଂ ତାଙ୍କୁ ଦେଖିବେ ଏବଂ ଟିକିଏ ଦେଖି ହସିବେ ଏବଂ ତାଙ୍କୁ କିଛି ନ କହିବା ଭଲ ହେବ। କାରଣ ଏହା କରିବା ଦ୍ୱାରା ସେ ନିଜେ ଆହୁରି କ୍ରୋଧିତ ହେବେ ଏବଂ ସେ ନିଜକୁ ଅପମାନିତ ଅନୁଭବ କରିବେ।
ବହୁତ ଲୋକ ଏମିତି ଅଛନ୍ତି ଯେଉଁମାନେ ଅନ୍ୟମାନଙ୍କୁ ନିନ୍ଦା କରିବା ଓ ନୀଚ ଦେଖେଇବା ପାଇଁ ପସନ୍ଦ କରନ୍ତି | ଆଚାର୍ଯ୍ୟ ଚାଣକ୍ୟଙ୍କ ଅନୁସାରେ ଏହି ଲୋକମାନେ ଜୀବନରେ ବିଫଳ ହୁଅନ୍ତି। କାହିଁକିନା ଜଣେ ବୁଦ୍ଧିମାନ ବ୍ୟକ୍ତି କେବେବି କାହାକୁ ଅପମାନିତ କରିବେ ନାହିଁ । ବହୁତ ଲୋକ ଅଛନ୍ତି ଯାହା ତାଙ୍କ ହିସାବରେ ସବୁକିଛି ସହିଯିବା ସର୍ବୋତ୍ତମ ଉପାୟ କିନ୍ତୁ ଚାଣକ୍ୟ କୁହନ୍ତି ଯଦି ଜଣେ ବ୍ୟକ୍ତି ଅପମାନ କରେ, ତାହେଲେ ତାଙ୍କୁ ଥରେ ସହ୍ୟ କରିବା ବୁଦ୍ଧିମାନର କାମ ଅଟେ । ଦ୍ୱିତୀୟ ଥର ଅପମାନ ସହିବା ସେହି ବ୍ୟକ୍ତିର ମହାନତାକୁ ଦର୍ଶାଏ, କିନ୍ତୁ ତୃତୀୟ ଥର ପାଇଁ ଅପମାନକୁ ସହ୍ୟ କରିବା ହେଉଛି ସେହି ବ୍ୟକ୍ତିର ସବୁଠାରୁ ବଡ ମୂର୍ଖତା, ତେଣୁ ଅପମାନ ବହନ କରିବା ସର୍ବଦା ଠିକ୍ ନୁହେଁ।
ଆଚାର୍ଯ୍ୟ ଚାଣକ୍ୟଙ୍କ ଅନୁସାରେ ଗନ୍ଧ କେବଳ ପଚି ଯାଇଥିବା ଫୁଲରୁ ଆସିଥାଏ କାରଣ ଫୁଟୁଥିବା ଫୁଲ ସବୁବେଳେ ସୁଗନ୍ଧ ବିସ୍ତାର କରିଥାଏ। ସେହିଭଳି ଯିଏ ଅନ୍ୟକୁ ଅପମାନିତ କରେ, ସେ ବହୁତ ଛୋଟ ଚିନ୍ତାଧାରାର ହୋଇଥାଆନ୍ତି, ଯେଉଁଥି ପାଇଁ ଏହି ଲୋକମାନେ ଜୀବନରେ କେବେବି ସଫଳ ହୋଇପାରିନ୍ତି ନାହିଁ । ଯେଉଁମାନେ ଅନ୍ୟମାନଙ୍କୁ ଅପମାନ କରିବାକୁ ପସନ୍ଦ କରନ୍ତି ସେମାନଙ୍କଠାରୁ ଦୂରତା ରଖିବା ଭଲ |
ବନ୍ଧୁଗଣ ଯଦି ଏହି ଆର୍ଟିକିଲଟି ଭଲ ଲାଗିଲା ତେବେ ଗୋଟିଏ ଲାଇକ କରିବା ସହିତ ଏହାକୁ ସେଆର କରି ଦିଅନ୍ତୁ ।
