୫ ସଙ୍କେତ ଯାହା ଆପଣଙ୍କୁ ଜଣାଇଥାଏ ଯେ ଆପଣ ଅଧିକ ପରିମାଣରେ ଚିନି ସେବନ କରୁଛନ୍ତି

କ୍ରମାଗତ ଭାବରେ ଓଜନ ବୃଦ୍ଧି ପାଇବା , ପ୍ରାୟତଃ ଅସୁସ୍ଥ ରହିବା ଏବଂ ଚର୍ମ ସମ୍ବନ୍ଧୀୟ ସମସ୍ୟା ଆପଣଙ୍କୁ ଚିନ୍ତିତ କରୁଥିଲେ ଏହାର ଅର୍ଥ ହେଉଛି ଆପଣ ନିଜ ଖାଦ୍ୟରେ ଅତ୍ୟଧିକ ଚିନି ବ୍ୟବହାର କରୁଛନ୍ତି। ସଠିକ ସମୟରେ ଏହାକୁ ନିୟନ୍ତ୍ରିତ ନ କରାଗଲେ , ଏହା ଗମ୍ଭୀର ରୂପ ନେଇପାରେ। କେବଳ ଭାରତୀୟ ଖାଦ୍ୟରେ ନୁହେଁ ବରଂ ପାଶ୍ଚାତ୍ୟ ଖାଦ୍ୟପେୟରେ ମଧ୍ୟ ଦିଜର୍ଟ ଏବଂ ମିଠାର ଭୂମିକା ଅତ୍ୟନ୍ତ ସ୍ୱତନ୍ତ୍ର ହୋଇଥାଏ। ପରସ୍ପର ମଧ୍ୟରେ ମିଠା ବାଣ୍ଟି ଆମେ ଛୋଟ ଛୋଟ ଆନନ୍ଦର ଉତ୍ସବ ପାଳନ କରାଯାଉ , ଆହୁରିମଧ୍ୟ ପର୍ବପର୍ବାଣୀରେ ଭଗବାନଙ୍କୁ ଭୋଗ ଅର୍ପଣ କରିବା ଠାରୁ ଆରମ୍ଭ କରି ଉପବାସ ଖୋଲିବା ପର୍ଯ୍ୟନ୍ତ ଏହାର ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହୋଇଥାଏ। ଏବଂ ବାସ୍ତବରେ ମିଠା ଖାଇବାରେ ଏକ ଭିନ୍ନ ଆନନ୍ଦ ଅନୁଭବ ହୋଇଥାଏ। କିନ୍ତୁ ଏହା ସହିତ ଆହୁରିମଧ୍ୟ ଜାଣିବା ଅତ୍ୟନ୍ତ ଆବଶ୍ୟକ ଯେ ଅତ୍ୟଧିକ ଚିନି ବ୍ୟବହାର ହେତୁ ଶରୀର ମଧ୍ୟ ଅନେକ ସମସ୍ୟାର ଶିକାର ହେବାକୁ ଲାଗିଥାଏ। ଯାହା ଉପରେ ନିୟନ୍ତ୍ରଣ ନ କରାଗଲେ , ଆଗକୁ ଯାଇ ଏହା ଗମ୍ଭୀର ରୂପ ନେଇପାରେ।

୧) ଓଜନ ବୃଦ୍ଧି ପାଇବା:-

ଚିନିରେ କୌଣସି ଫାଇବର ଏବଂ ପ୍ରୋଟିନ୍ ନ ରହିଥିଲେ ଏହାର ଅର୍ଥ ଯେ ଯେତିକି ଚିନି ଆମେ ଆମ ଖାଦ୍ୟରେ ନେବା , ସେତିକି ହିଁ କ୍ୟାଲୋରୀ ବଢ଼ାଇବା ଏବଂ ଇନସୁଲିନର ଉତ୍ପାଦନକୁ ମଧ୍ୟ ବୃଦ୍ଧି କରିବା। ଯାହା ଆପଣଙ୍କ ଖାଦ୍ୟରୁ ଶକ୍ତି ହ୍ରାସ କରିଥାଏ ଏବଂ ସେଗୁଡିକୁ ଚର୍ବି କୋଷରେ ପରିଣତ କରିଥାଏ ଏବଂ ଯେତେବେଳେ ଶରୀରରେ ଚର୍ବିର ପରିମାଣ ଅଧିକ ହୋଇଯାଏ , ସେତେବେଳେ ଆପଣଙ୍କ ଶରୀର ଆପଣଙ୍କ ମସ୍ତିଷ୍କକୁ ଭୋକର ସୂଚନା ଦେଇଥାଏ ଏବଂ ଭୋକ ଲାଗିବା ଦ୍ୱାରା ଆମେ ଯେକୌଣସି ଅସ୍ୱାସ୍ଥ୍ୟକର ଖାଦ୍ୟ ଖାଇ ତାହାକୁ ବନ୍ଦ କରିବା ପାଇଁ ଚେଷ୍ଟା କରିଥାଉ। ଯାହାଦ୍ୱାରା ଆମର ଓଜନ ବଢିବା ଆରମ୍ଭ ହୋଇଯାଏ।

୨) ଫ୍ଲୁ:-

ଅତ୍ୟଧିକ ଚିନି ଖାଇବା ଦ୍ୱାରା ଆମର ରୋଗ ପ୍ରତିରୋଧକ ଶକ୍ତି ଦୁର୍ବଳ ହେବାକୁ ଲାଗିଥାଏ , ଯେଉଁ କାରଣରୁ ଶରୀରରେ ଛୋଟ ଛୋଟ ଭୁତାଣୁ ସହିତ ଲଢ଼ିବାର କ୍ଷମତା ଧୀରେ ଧୀରେ ଶେଷ ହୋଇଯାଏ। ଏପରି ପରିସ୍ଥିତିରେ ଥଣ୍ଡା ଜ୍ଵରର ସମସ୍ୟା ମଧ୍ୟ ସାଧାରଣ ହୋଇଯାଏ। ତେଣୁ ଏହା ଉପରେ ମଧ୍ୟ ଧ୍ୟାନ ଦେବାର ଏକ ବିଶେଷ ଆବଶ୍ୟକତା ରହିଛି।

୩) ଅସ୍ପଷ୍ଟ ମନ:-

ଅତ୍ୟଧିକ ବିଶୋଧିତ ଚିନି ବ୍ୟବହାର କରିବା ଦ୍ୱାରା ଆପଣଙ୍କ ମନ ଟିକିଏ ଅସ୍ପଷ୍ଟ ରହିଥାଏ। ଏପରି ପ୍ରାୟତଃ ଖାଦ୍ୟ ଖାଇବା ପରେ ଘଟିଥାଏ। ଚିନି ସ୍ତର ତୁରନ୍ତ ବୃଦ୍ଧି ପାଇଯାଏ ଏବଂ ଅଳ୍ପ ସମୟ ମଧ୍ୟରେ କମିଯାଏ , ଯେଉଁ କାରଣରୁ ମସ୍ତିଷ୍କ ସଠିକ୍ ଭାବରେ କାମ କରେ ନାହିଁ। ଯଦି ଏଭଳି ମଧ୍ୟ ଆପଣଙ୍କ ସହିତ ଘଟୁଛି , ତେବେ ତୁରନ୍ତ ଡାକ୍ତରଙ୍କ ସହିତ ଯୋଗାଯୋଗ କରନ୍ତୁ ଏବଂ ଆପଣଙ୍କ ଖାଦ୍ୟରୁ ଚିନିଯୁକ୍ତ ଖାଦ୍ୟକୁ ବାହାର କରି ଦିଅନ୍ତୁ।

୪) ଚର୍ମ ସମସ୍ୟା:-

ଯଦି ଆପଣ ଖାଦ୍ୟରେ ଅତ୍ୟଧିକ ପରିମାଣରେ ଚିନି ବ୍ୟବହାର କରନ୍ତି , ତେବେ ଏହା ଚର୍ମ ସମସ୍ୟା ହେବାର ସମ୍ଭାବନାକୁ ବହୁ ପରିମାଣରେ ବୃଦ୍ଧି କରିଥାଏ। କିନ୍ତୁ ଯଦି ଆପଣ ଏହାକୁ ହ୍ରାସ କରନ୍ତି , ତେବେ ଏହି ସମସ୍ୟାଗୁଡ଼ିକ ନିଜେ ଧୀରେ ଧୀରେ କମିବା ଆରମ୍ଭ ହୋଇଥାଏ। ଅତ୍ୟଧିକ ପରିମାଣରେ ଚିନି ଆମ ଚର୍ମର ପ୍ରୋଟିନ କୋଲାଜେନକୁ କ୍ଷତି ପହଞ୍ଚାଇଥାଏ। ଏହି କୋଲାଜେନ ଆମ ଚର୍ମକୁ ଯୁବା ରଖିବା ଏବଂ ଏହାର ଇଲାସ୍ଟିସିଟି ରଖିବା ପାଇଁ କାମ କରିଥାଏ। ତେଣୁ ଚେହେରାର ଚମକ ଏବଂ ସତେଜତା ବଜାୟ ରଖିବା ପାଇଁ , ବିଶୋଧିତ ଚିନିକୁ ଆପଣଙ୍କ ଖାଦ୍ୟରୁ ସମ୍ପୂର୍ଣ୍ଣ ରୂପେ ବାହାର କରିବା ସଠିକ୍ ହେବ।

୫) ହୃଦରୋଗରେ ବୃଦ୍ଧି:-

ଚର୍ମ ସମସ୍ୟା ଏବଂ ଓଜନ ବୃଦ୍ଧି ସହିତ ଅଧିକ ଚିନି ବ୍ୟବହାର କରିବା ଦ୍ୱାରା ହୃଦ୍ ରୋଗ ମଧ୍ୟ ବୃଦ୍ଧି ହୋଇଥାଏ। ଚିନିର ସେବନ ହୃଦ୍‌ ବିଭାଗକୁ ପ୍ରଭାବିତ କରିଥାଏ। ଏକ ଅଧ୍ୟୟନ ଅନୁଯାୟୀ ଯେଉଁମାନେ ପ୍ରତିଦିନ ୧୭ ରୁ ୨୧ ପ୍ରତିଶତ କ୍ୟାଲୋରୀ ଚିନି ଓ ସେଥିରୁ ତିଆରି ପଦାର୍ଥ ଖାଇଥାନ୍ତି , ସେମାନଙ୍କ ହୃଦଘାତ ହେବାର ସମ୍ଭାବନା ଅନ୍ୟମାନଙ୍କ ତୁଳନାରେ ୩୮ ପ୍ରତିଶତ ଅଧିକ ହୋଇଥାଏ। ବନ୍ଧୁଗଣ ଯଦି ଏହି ଆର୍ଟିକିଲଟି ଭଲ ଲାଗିଲା ତେବେ ଗୋଟିଏ ଲାଇକ କରିବା ସହିତ ଏହାକୁ ସେଆର କରି ଦିଅନ୍ତୁ ।