ଆଜିକାର ଲେଖାରେ ଆମେ ଆପଣଙ୍କୁ କହିବୁ ଯେ ଭୋକରେ ମରିଗଲେବି ସୁଦ୍ଧା ଏପରି ଚାରି ପ୍ରକାରର ବ୍ୟକ୍ତିଙ୍କୁ କେବେ ସାହାଯ୍ୟ ମାଗିବା ଉଚିତ ନୁହେଁ । ତେଣୁ ଏହାକୁ ବୁଝିବା ପାଇଁ ଆଜି ଆମେ ଆପଣଙ୍କୁ ଏକ କାହାଣୀ କହିବୁ ଯାହାକୁ ଯଦି ଆପଣ ଜୀବନରେ ଉପଯୋଗ କରନ୍ତି କେବେ ଜୀବନରେ ଧୋକା ଖାଇବେ ନାହିଁ । ତେବେ ଗୋଟିଏ ଜଙ୍ଗଲରେ ଦୁଇଟି କାଉ ରହୁଥିଲେ ଯେଉଁ ଜଙ୍ଗଲ ସମ୍ପୂର୍ଣ୍ଣ ନଷ୍ଟ ହୋଇ ଯାଇଥିଲା ।
ଜଙ୍ଗଲରେ ଅଳ୍ପ ଜୀବକୁ ଛାଡ଼ି ଆଉ ଜୀବର ଚିହ୍ନ ବର୍ଣ୍ଣ ନଥିଲା ଏବଂ ଖାଇବାକୁ ମଧ୍ୟ ନଥିଲା । ଦୁଇ କାଉ ଭୋକରେ ଖାଦ୍ୟ ସନ୍ଧାନ କରୁଥିବା ସମୟରେ ଏକ ଶିକାରୀ କୁକୁର ନିଜ ମୁହଁରେ ମାଂସ ଟୁକୁଡ଼ା ନେଇ କାଉ ବସିଥିବା ଗଛ ନିକଟକୁ ଆସେ । କାଉ ଦୁଇଟି ଭୋକିଲା ଥିବାରୁ କୁକୁରକୁ ଖାଦ୍ୟ ମାଗିଲେ ।
କୁକୁର କିଛି ସମୟ ଭାବିବା ପରେ ମଧୁର ବଚନରେ ଉତ୍ତର ଦେଲା ଯଦି କାଉ ଦୁଇଟି ତଳକୁ ଆସନ୍ତି ତେବେ ସେ ମାଂସରୁ କିଛି ଅଂଶ ଖାଇବାକୁ ଦେବ । ଏହା ଶୁଣି କାଉର ସ୍ତ୍ରୀ ତଳକୁ ଆସିବାରେ ଲାଗିଲା କିନ୍ତୁ କାଉ ତାକୁ ଅଟକାଇଲା ଏବଂ କହିଲା ଯେ ଏଭଳି ମଧୁର କହୁଥିବା ଲୋକ ସେ ପୁଣି ଶିକାରୀ କୁକୁରର ଉଦେଶ୍ୟ କିଛି ଅଲଗା ହୋଇଥାଏ । ଯାହା ବୁଝାଇବା ପାଇଁ କାଉ ଏକ ଗପ ଶୁଣାଇଛି ।
ଗୋଟିଏ ଜଙ୍ଗଲରେ ଦୁଇଟି ମଇନା ବେଶ ଖୁସିରେ ରହୁଥିଲେ । ମାତ୍ର ସେମାନେ ଯେଉଁ ଗଛରେ ବସା ବାନ୍ଧିଥିଲେ ସେହି ଗଛ ତଳେ ଏକ କଳା ନାଗ ରହୁଥିଲା । ମଇନା ଯେତେବେଳେ ଅଣ୍ଡା ଦିଏ ସେତେବେଳେ ସାପ ତାହା ଖାଇ ଦେଉଥିଲା । ଯେଉଁ କାରଣରୁ ମଇନାର ବଂଶ ବୃଦ୍ଧି ହେଉ ନଥିଲା ।
ଥରେ ମଇନା ଗଛରେ ବସି କାନ୍ଦୁଥିଲା ଏବଂ ଏହି ସମୟରେ ଏକ ଶୁଆ ଆସି ମଇନାକୁ କାନ୍ଦୁଥିବାର କାରଣ ପଚାରେ । ଯାହାପରେ ମଇନା ସବୁ କାହାଣୀ କହେ । ଶୁଆ କହେ ଯଦି ଏହି ସମୟରେ ସାପର ବିର୍ତ୍ତାପକୁ ମୁକାବିଲା ନକରାଯାଏ ତେବେ ଆଗାମୀ ସମୟରେ ସେ ଆହୁରି ଜୀବଜନ୍ତୁଙ୍କୁ ମାରି ଖାଇବ । ଶୁଆ ଏକ ଉପାୟ ପାଞ୍ଚିଲା ଏବଂ ମଇନା ସହିତ ଯାଇ ସାପକୁ ମାରିବା ପାଇଁ କିଛି ମାଛ ଆଣିଲା ।
ଦୁହେଁ ଏକାଧିକ ବନ୍ଦୋବସ୍ତ ମାଛ ଆଣି ସାପର ଗାତ ସାମ୍ନାରେ ଥିବା ଏକ ନେଉଳର ଗାତ ପାଖରେ ଗୋଟିଏ ମାଛ ରଖିଦେଲା ଏବଂ ଆଉ କିଛି ଦୂରରେ ଆଉ ଏକ ମାଛ ଏମିତି ସାପର ଗାତ ପର୍ଯ୍ୟନ୍ତ ମାଛ ରଖିଦେଲେ । କାରଣ ସେମାନେ ଜାଣିଥିଲେ ଯେ ଏକ ସାପ ଉପରେ କେବଳ ନେଉଳ ହିଁ ଭାରି ପଡ଼ିଥାଏ ।
ନେଉଳ ଯେତେବେଳେ ଗାତରୁ ବାହାରି ମାଛ ଦେଖିଲା ସେତେବେଳେ ସେ ତାହାକୁ ଖାଇ ଦେଲା । କିଛି ଦୂରରେ ଆଉ ଏକ ମାଛ ଦେଖି ତାହାକୁ ଖାଇଲା ଏବଂ ଏମିତି ସାପର ଗାତ ପର୍ଯ୍ୟନ୍ତ ପହଞ୍ଚିଗଲା । ଏମିତି ଭାବି ସାପ ଗାତ ଭିତରେ କିଛି ଖାଦ୍ୟ ଥିବା ଅନୁମାନ କରି ନେଉଳ ଗାତ ଭିତରେ ପଶିଗଲା । ସାପକୁ ଦେଖି ନେଉଳ ଏବଂ ସାପ ମଧ୍ୟରେ ଲଢେ଼ଇ ଆରମ୍ଭ ହୋଇଗଲା ।
ନେଉଳ ସାପକୁ ଆକ୍ରମଣ କରି ତାକୁ ମାରିଦେଲା । ନେଉଳ ଗାତରୁ ବାହାରି ଆସିବା ପରେ ମଇନା ଏବଂ ଶୁଆ ତାକୁ ଧନ୍ୟବାଦ ଦେଲେ । ଯାହାର କାରଣ ନେଉଳ ପଚାରିବାରୁ ଦୁହେଁ ପୁରା ଘଟଣା କହିଲେ । ଏହି ଗପ କହି କାଉ କହେ ଯେ ଯିଏ ଦୁଷ୍ଟ ତା ସହିତ ଦୁଷ୍ଟତା ହିଁ କରିବା ଶ୍ରେୟସ୍କର ଅଟେ । ଏହିଭଳି ଚାରି ପ୍ରକାରର ଲୋକ ଅଛନ୍ତି ଯାହାଙ୍କ ଠାରୁ ସାହାଯ୍ୟ ମାଗିବା ଉଚିତ ନୁହେଁ ।
ପ୍ରଥମ ହେଉଛି ଶତ୍ରୁ । କାରଣ ଶତ୍ରୁକୁ ସାହାଯ୍ୟ ମାଗିଲେ ସେ ସାହାଯ୍ୟ କରିବା ବଦଳରେ କ୍ଷତି କରିବାକୁ ହିଁ ଚିନ୍ତା କରିବ । ଦ୍ଵିତୀୟ ଯେଉଁ ବ୍ୟକ୍ତି ନିଜ ପାଇଁ ଅନ୍ୟକୁ ସାହାଯ୍ୟ ମାଗୁଛି ତାହାକୁ କେବେ ସାହାଯ୍ୟ ମାଗିବା ଉଚିତ ନୁହେଁ । ତୃତୀୟରେ ଅନ୍ଧକାରରେ ଘେରି ରହିଥିବା ବ୍ୟକ୍ତିକୁ ସାହାଯ୍ୟ ମାଗିବା ଉଚିତ ନୁହେଁ । ଯେଉଁ ବ୍ୟକ୍ତି ନିଶାରେ ବୁଡ଼ି ରହିଥିବ ସେହି ବ୍ୟକ୍ତିକୁ ମଧ୍ୟ କେବେ ସାହାଯ୍ୟ ମାଗିବା ଉଚିତ ନୁହେଁ ।
