ଆଜିକାର ଏହି ଲେଖାରେ ଆମେ ଆପଣଙ୍କୁ କହିବୁ ଯେ ମନୁଷ୍ୟକୁ ସକାଳୁ ଉଠିବା ମାତ୍ରେ କେଉଁ ମନ୍ତ୍ର ଜପ କରିବା ଉଚିତ ଯାହାଦ୍ୱାରା ମନୁଷ୍ୟର ଜୀବନର ସବୁ ସମସ୍ୟା ଦୂର ହୋଇଯିବ ଏବଂ ଦିନର ପ୍ରାରମ୍ଭ ମଧ୍ୟ ଭଲ ହେବ । ଶାସ୍ତ୍ରରେ ମନୁଷ୍ୟର ସୁନ୍ଦର ସ୍ୱାସ୍ଥ୍ୟ ପାଇଁ ସକାଳୁ ଶୀଘ୍ର ଉଠିବାର ନିୟମ ବିଷୟରେ କୁହାଯାଇଛି । କିନ୍ତୁ ମନୁଷ୍ୟର ଆଜିକାର ଦିନଚର୍ଯା ଏଭଳି ଅଦ୍ଭୁତ ହୋଇ ଯାଇଛି ଯେ ଉଠିବାତ ଦୂରର କଥା ଶୋଇବା ଏବଂ କାମ କରିବାର ସମୟ ମଧ୍ୟ ବଦଳି ଯାଇଛି ।
ଯେଉଁ କାରଣରୁ ଜୀବନ ଉପରେ ଅନେକ ନକରାତ୍ମକ ପ୍ରଭାବ ପଡୁଛି । ସାଧରଣତଃ ମନୁଷ୍ୟର ସମ୍ପୂର୍ଣ୍ଣ ଦିନ କିପରି ବିତିବ ତାହା ଉଠିବାର ସମୟ ଉପରେ ନିର୍ଭର କରେ । ତେଣୁ କିଛି ବିଶେଷ କଥା ପ୍ରତି ସମସ୍ତଙ୍କୁ ଧ୍ୟାନ ଦେବା ଉଚିତ । ଆଜିକାର ଏହି ଲେଖାରେ ଆମେ ଆପଣଙ୍କୁ କହିବୁ ଯେ ସକାଳୁ ଉଠିବା ମାତ୍ରେ କଣ କରିବା ଉଚିତ ଏବଂ କେଉଁ ବିଶେଷ ମନ୍ତ୍ର ଜପ କରିବା ଉଚିତ ।
ହିନ୍ଦୁ ଧର୍ମଶାସ୍ତ୍ର ଅନୁଯାୟୀ ସକାଳୁ ବ୍ରହ୍ମ ମୁହୂର୍ତ୍ତରେ ଉଠିବାକୁ ଉପଯୁକ୍ତ ବୋଲି କୁହାଯାଇଛି । ଏହାର ଆଧ୍ୟାତ୍ମିକ ଏବଂ ବୈଜ୍ଞାନିକ ଦୁଇ ପ୍ରକାରର କାରଣ ରହିଛି । କାରଣ ଏହି ସମୟରେ ଦୈବୀ ଶକ୍ତିର ପ୍ରଭାବ ପ୍ରବଳ ଥାଏ ଏବଂ ଏହାଦ୍ବାରା ମନୁଷ୍ୟ ଉପରେ ସକାରାତ୍ମକ ପ୍ରଭାବ ପଡ଼ିଥାଏ । କିନ୍ତୁ ଯଦି ଏହି ସମୟରେ ଉଠିବା ସମ୍ଭବ ନହୁଏ ତେବେ ସକାଳୁ ଯେତେ ଜଲଦି ସମ୍ଭବ ଉଠିବାକୁ ଚେଷ୍ଟା କରିବା ଉଚିତ । ଏହାବ୍ୟତୀତ ସକାଳୁ ଉଠି ହାତର ଦୁଇ ପାପୁଲିକୁ ଦେଖି ଏକ ମନ୍ତ୍ର ଜପ କରିବା ଉଚିତ । ଯାହା ଏହିପରି :-
କରାଗ୍ରେ ବସତେ ଲକ୍ଷ୍ମୀ ।କର ମଧ୍ୟେ ସରସ୍ୱତୀ । କରମୂଳେତୁ ଗୋବିନ୍ଦ । ପ୍ରଭାତେ କର ଦର୍ଶନ ।।
ପ୍ରତ୍ୟେକ ଦିନ ଏହି ତିନି ଦେବଦେବୀଙ୍କୁ ପ୍ରାର୍ଥନା କରିବା ଦ୍ୱାରା ମାତା ଲକ୍ଷ୍ମୀ , ସରସ୍ୱତୀ ଏବଂ ଶ୍ରୀକୃଷ୍ଣଙ୍କ କୃପା ପ୍ରାପ୍ତ ହୋଇଥାଏ । ମାତା ଲକ୍ଷ୍ମୀଙ୍କୁ ପ୍ରସନ୍ନ କରିବା କାରଣରୁ ଜୀବନରେ ଧନ ଐଶ୍ୱର୍ଯ୍ୟର ଅଭାବ ହୁଏନାହିଁ ।
ମାତା ସରସ୍ୱତୀ ବୁଦ୍ଧି ପ୍ରଦାନ କରିଥାନ୍ତି ଏବଂ ଭଗବାନ ଶ୍ରୀକୃଷ୍ଣଙ୍କ ଆଶୀର୍ବାଦ କାରଣରୁ ଜୀବନରେ କେବେ ଦୁଃଖ କଷ୍ଟ ସମସ୍ୟା ଆସି ନଥାଏ । ସକାଳୁ ଉଠି ଭୂଇଁରେ ପାଦ ରଖିବା ପୂର୍ବରୁ ଭୂମି ମାତାଙ୍କୁ ହାତ ଯୋଡ଼ି କ୍ଷମା ପ୍ରାର୍ଥନା କରିବା ଉଚିତ ଏବଂ ଏହି ମନ୍ତ୍ର ଜପ କରିବା ଉଚିତ ।
ସ୍ନାନ କରିବା ସମୟରେ ଗଙ୍ଗା , ଯମୁନା , ଗୋଦାବରୀ , ସରସ୍ୱତୀ ଏବଂ କାବେରୀ ନଦୀର ନାମ ଜପ କରିବା ଉଚିତ । ଏହାଦ୍ବାରା ଶରୀର ସହିତ ମନ ମଧ୍ୟ ପବିତ୍ର ହୋଇଥାଏ । ଯାହାଦ୍ୱାରା ପୁରା ଦିନ ଭଲରେ ବିତିଥାଏ । ସ୍ନାନ ସମୟରେ ସୂର୍ଯ୍ୟ ଦେବଙ୍କୁ ଏକ ଲୋଟା ଜଳ ଅର୍ପିତ କରିବା ଉଚିତ । ଏହି ସମୟରେ ” ଓଁ ସୂର୍ଯ୍ୟାୟ ନମଃ ” । ଏହି ମନ୍ତ୍ରର ଜପ କରନ୍ତୁ ।
ସକାଳୁ ଉଠି ନିତ୍ୟକର୍ମ ସାରି ପୂଜା କରିବା ପରେ ଘରର ସବୁ ବଡ଼ ଲୋକଙ୍କୁ ପ୍ରଣାମ କରିବା ଉଚିତ । ଯଦି ସମ୍ଭବତଃ ସକାଳୁ ଦ୍ୱାରକୁ ସାହାଯ୍ୟ ନିମନ୍ତେ ଆସୁଥିବା ବ୍ୟକ୍ତିକୁ ନିଶ୍ଚୟ ସାହାଯ୍ୟ କରନ୍ତୁ । ମାତ୍ର କିଛି କାମ ଏପରି ଅଛି ଯାହାକୁ ସକାଳୁ ଉଠି କରିବା ଉଚିତ ନୁହେଁ । ନଚେତ ଦାରିଦ୍ର୍ୟତା ଆସିଥାଏ ।
ସକାଳୁ କୌଣସି ସ୍ତ୍ରୀର ଅପମାନ କରିବା ଉଚିତ ନୁହେଁ । ଏହାଦ୍ୱାରା ମାତା ଲକ୍ଷ୍ମୀ ରୁଷ୍ଟ ହୁଅନ୍ତି ଏବଂ ଦାରିଦ୍ର୍ୟତା ଆସିଥାଏ । ସକାଳୁ ପୂଜା କରିବା ପୂର୍ବରୁ କାହାକୁ ଧାର ଦିଅନ୍ତୁ ନାହିଁ । ସକାଳୁ ଉଠି କାହା ସହିତ ଲଢ଼େଇ ଝଗଡ଼ା ମଧ୍ୟ ନକରାତ୍ମକତାର ପ୍ରତୀକ ହୋଇଥାଏ । ତେଣୁ ଏଭଳି କାମ ଆଦୋୖ କରନ୍ତୁ ନାହିଁ ।
ସକାଳ ସମୟରେ କୁହାଯାଇଥିବା ମିଛ ଆପଣଙ୍କୁ ଯମଲୋକକୁ ନେଇ ଯାଇଥାଏ । ତେଣୁ ସକାଳୁ ଉଠି କୌଣସି ପ୍ରକାରର ମିଛ କହିବା ଉଚିତ ନୁହେଁ । ଲଗାତାର ସକାଳ ସମୟରେ କ୍ଷୀର ଫାଟିବା ଦାରିଦ୍ର୍ୟତା ଦିଗରେ ସୂଚାଇ ଥାଏ । ସୂର୍ଯ୍ୟ ଉଦୟ ହେବାର ଅନେକ ସମୟ ପରେବି ଯଦି ଆପଣ ଶୋଇ ରହିଛନ୍ତି ତେବେ ଏହା ଦାରିଦ୍ର୍ୟତାର କାରଣ ସାଜିଥାଏ ।
