ଦୁନିଆରେ ପ୍ରାୟତଃ ପ୍ରତ୍ୟେକ ଲୋକ ଧନ ପ୍ରାପ୍ତି କରିବାକୁ ଇଚ୍ଛା କରନ୍ତି । ମାତ୍ର ଧନ ସେହି ବ୍ୟକ୍ତିକୁ ପ୍ରାପ୍ତ ହୋଇଥାଏ , ଯେଉଁ ବ୍ୟକ୍ତି ପରିଶ୍ରମ କରିଥାଏ । ମାତ୍ର କେବଳ ପରିଶ୍ରମ ହିଁ ଯଥେଷ୍ଟ ନୁହେଁ । ଅନେକ ସମୟରେ ଲୋକେ ପରିଶ୍ରମ କରିବା ସତ୍ତ୍ୱେବି ଧନ ସଞ୍ଚିତ ହୋଇପାରେ ନାହିଁ । ମାତ୍ର କିଛି ଲୋକ ଧନ ଅର୍ଜନ ପାଇଁ ଖରାପ ରାସ୍ତା ଆପଣେଇ ଥାଆନ୍ତି । କିନ୍ତୁ ଆଜି ଆମେ କିଛି ଏପରି ଜିନିଷ ବିଷୟରେ କହିବୁ , ଯାହାକୁ ଯଦି ଆପଣ ନିଜ ପର୍ସରେ ରଖନ୍ତି ତେବେ ଆପଣଙ୍କ ପର୍ସ କେବେବି ଖାଲି ହେବ ନାହିଁ ଏବଂ ଧନର ଆଗମନ ମଧ୍ୟ ହେବ ।
୧ . ଧନର ଦେବୀ ମାତା ଲକ୍ଷ୍ମୀଙ୍କ ଫୋଟ:-
ମାତା ଲକ୍ଷ୍ମୀଙ୍କୁ ଧନର ଦେବୀ ମାନା ଯାଏ । ମାତା ଲକ୍ଷ୍ମୀ ପ୍ରସନ୍ନ ହେଲେ ହିଁ ଘରକୁ ଧନ ଆସିଥାଏ । ତେଣୁ ଯଦି ଆପଣ ନିଜ ପର୍ସରେ ମାତା ଲକ୍ଷ୍ମୀଙ୍କ ଫୋଟ ରଖନ୍ତି ତେବେ ଆପଣଙ୍କ ପର୍ସ କେବେ ଖାଲି ହେବନାହିଁ । ମାତ୍ର ସେଥିରେ ମାତା ଲକ୍ଷ୍ମୀ ବସିଥିବା ମୁଦ୍ରାରେ ରହିଥିବା ଆବଶ୍ୟକ ।
୨ . ଅଶ୍ୱତ୍ଥ ପତ୍ର:-
ହିନ୍ଦୁ ଧର୍ମରେ ଅଶ୍ୱତ୍ଥ ପତ୍ରର ଅନେକ ମହତ୍ତ୍ୱ ରହିଛି । ଏହି ଗଛକୁ ପୂଜା କରାଯାଏ । ଏପରି ମାନ୍ୟତା ରହିଛି ଯେ ଯଦି ଆପଣ ଅଶ୍ୱତ୍ଥ ପତ୍ରକୁ ଅଭିମନ୍ତ୍ରିତ କରି ନିଜ ପର୍ସରେ ରଖନ୍ତି ତେବେ କେବେବି ଧନର ଅଭାବ ହେବ ନାହିଁ ।
୩ . ନାଲି ରଙ୍ଗର ପେପର:-
ନାଲି ରଙ୍ଗ ଅତ୍ୟନ୍ତ ଶୁଭ ହୋଇଥାଏ ଏବଂ ଏହା ଧନ ପ୍ରାପ୍ତିର ପ୍ରତୀକ ହୋଇଥାଏ । ତେଣୁ ଆପଣ ମାତା ଲକ୍ଷ୍ମୀଙ୍କୁ ପ୍ରାର୍ଥନା କରି ଏକ ନାଲି ପେପରରେ ନିଜର ମନସ୍କାମନା ଲେଖି ତାହାକୁ ଏକ ରେଶମୀ ସୂତାରେ ବାନ୍ଧି ନିଜ ପର୍ସରେ ରଖି ଦିଅନ୍ତୁ । ଦେଖିବେ ଆପଣଙ୍କୁ କେବେବି ଆର୍ଥିକ ସମସ୍ୟା ଦେଖା ଦେବ ନାହିଁ ।
୪ . ଚାଉଳ:-
ହିନ୍ଦୁ ଧର୍ମ ଶାସ୍ତ୍ରରେ ଚାଉଳର ମଧ୍ୟ ଅନେକ ମହତ୍ତ୍ୱ ରହିଛି । ଚାଉଳକୁ ଯଦି ଆପଣ ନିଜ ପର୍ସରେ ରଖନ୍ତି ତେବେ ଏହା ଆପଣଙ୍କ ଅଯଥା ଖର୍ଚ୍ଚକୁ ନିୟନ୍ତ୍ରିତ କରିଥାଏ । ଏହାବ୍ୟତୀତ ଧନ ଲାଭ ମଧ୍ୟ ହୋଇଥାଏ ।
୫ . ଛୋଟ ଛୁରୀ , କାଚ , କଉଡ଼ି କିମ୍ବା ଗୋମତି ଚକ୍ର:-
ଶାସ୍ତ୍ର ଅନୁଯାୟୀ ଆପଣ ନିଜ ପର୍ସରେ ଛୋଟ ଛୁରୀ , କାଚ , କଉଡ଼ି କିମ୍ବା ଗୋମତି ଚକ୍ର ମଧ୍ୟ ରଖି ପାରିବେ । ଯାହାଦ୍ୱାରା ଆପଣଙ୍କ ପର୍ସ କେବେବି ଖାଲି ହେବ ନାହିଁ ।
୬ . ସୁନା ଏବଂ ରୂପା ମୁଦ୍ରା:-
ଯଦି ଆପଣ ପର୍ସରେ ସୁନା କିମ୍ବା ରୂପାର ମୁଦ୍ରା ରଖନ୍ତି ତେବେ ମଧ୍ୟ ମାତା ଲକ୍ଷ୍ମୀ ପ୍ରସନ୍ନ ହୁଅନ୍ତି ଏବଂ ଧନରେ ବୃଦ୍ଧି ହୋଇଥାଏ । ଏହାବ୍ୟତୀତ ଯଦି କେହି ଗୁରୁଜନ ଆପଣଙ୍କୁ କୌଣସି ନୋଟ କିମ୍ବା କୋଏନ ଦେଉଛନ୍ତି ତେବେ ସେଥିରେ ହଳଦୀ ଏବଂ କେଶର ଲଗାଇ ପର୍ସରେ ରଖନ୍ତୁ । ଏହାଦ୍ବାରା ଆପଣଙ୍କ ପର୍ସ କେବେ ଖାଲି ହେବ ନାହିଁ ।
ଏହି କିଛି ଜିନିଷ ଆଦୋୖ ରଖନ୍ତୁ ନାହିଁ ପର୍ସରେ ।
ପର୍ସରେ ନୋଟକୁ କେବେବି ମୋଡ଼ି ରଖନ୍ତୁ ନାହିଁ । ତାହାକୁ ଭଲ ଭାବରେ ସିଧା କରି ରଖନ୍ତୁ । ମନେ ରଖନ୍ତୁ ଯେ ମନୁଷ୍ୟର ସବୁ ସମୟ ସମାନ ନଥାଏ । ତେଣୁ ଖରାପ ସମୟରେ ମନୁଷ୍ୟକୁ ଧୌର୍ଯ୍ୟହରା ହେବା ଉଚିତ ନୁହେଁ ବରଂ ସବୁକିଛିକୁ ସାମ୍ନା କରି ଆଗେଇ ଯିବା ଉଚିତ । ଏହାବ୍ୟତୀତ ମନୁଷ୍ୟକୁ ନିଜର ଭଲ ସମୟକୁ ମଧ୍ୟ ଚିହ୍ନିବା ଉଚିତ । ଅଳେଇଚର ବ୍ୟବହାର ଦ୍ୱାରା ଆପଣ ନିଜର ଶୁକ୍ର ଗ୍ରହକୁ ମଜବୁତ କରି ପାରିବେ ।
ତେଣୁ ଶୁକ୍ରକୁ ମଜବୁତ କରିବା ପାଇଁ ଏକ ଗ୍ଲାସ ପାଣିରେ ଅଳେଇଚ ଦୁଇ ତିନୋଟି ମଞ୍ଜି ପକାଇ ପାଣିକୁ ଫୁଟାଇ ଦିଅନ୍ତୁ । ତାପରେ ସେହି ପାଣିକୁ ସ୍ନାନ ପାଣିରେ ମିଶାଇ ସ୍ନାନ କରନ୍ତୁ । ପ୍ରତ୍ୟେକ ଦିନ ଏହି ଉପାୟ କଲେ ଉତ୍ତମ ଫଳ ପ୍ରାପ୍ତ ହୋଇଥାଏ । ଏହାଦ୍ବାରା ଶୁକ୍ର ମଜବୁତ ହେବା ସହିତ ଜୀବନରେ ଐଶ୍ୱର୍ଯ୍ୟ ପ୍ରାପ୍ତି ହୋଇଥାଏ ।
ଯଦି ସ୍ୱାମୀ ସ୍ତ୍ରୀ ମଧ୍ୟରେ କୌଣସି ପ୍ରକାରର ବିବାଦ ରହିଛି ତେବେ ଚାରି ପାଞ୍ଚଟି କଞ୍ଚା ଅଳେଇଚ ନେଇ କୌଣସି କପଡ଼ା କିମ୍ବା ରୁମାଲରେ ବାନ୍ଧି ଦିଅନ୍ତୁ ଏବଂ ତାହାକୁ ନିଜ ପାଖରେ ରଖନ୍ତୁ । ଆଗାମୀ ଦିନ ଅର୍ଥାତ ଶନିବାର ଦିନ ସକାଳୁ ଚା’ ବନାଇବା ସମୟରେ ସେହି ଅଳେଇଚର କିଛି ଦାନାକୁ ନେଇ ପେଷି ଚା’ ରେ ମିଶାଇ ନିଜ ସ୍ୱାମୀଙ୍କୁ ପିଇବାକୁ ଦିଅନ୍ତୁ ।
ଏହିଭଳି ଲଗାତାର କିଛିଦିନ କରନ୍ତୁ । ଦେଖିବେ ସ୍ୱାମୀ ସ୍ତ୍ରୀ ମଧ୍ୟରେ ବିବାଦର ସମାଧାନ ହୋଇଯିବ । ଆପଣ ଚାହିଁଲେ ଏହାକୁ ରବିବାର ଦିନ ମଧ୍ୟ କରି ପାରିବେ । ଯଦି ପାଠ ପଢ଼ାରେ ସମସ୍ୟା ରହିଛି ତେବେ କ୍ଷୀରରେ ଅଳେଇଚ ମିଶାଇ ଘରକୁ ଆସୁଥିବା କୌଣସି ଗରିବ ଲୋକକୁ ଖାଇବାକୁ ଦେଇ ଦିଅନ୍ତୁ । ଏହାଦ୍ବାରା ପାଠ ପଢ଼ାରେ ଆସୁଥିବା ସମସ୍ୟା ଦୂରେଇ ଯିବ ।
