ଚଳିତ ବର୍ଷ ଅକ୍ଟୋବର ୨୫ ତାରିଖରେ ହେବାକୁ ଯାଉଥିବା ସୂର୍ଯ୍ୟ ପରାଗ ବର୍ଷର ଶେଷ ସୂର୍ଯ୍ୟ ପରାଗ ଅଟେ ଯାହାକି ଆଂଶିକ ସୂର୍ଯ୍ୟ ପରାଗ ଅଟେ ମାତ୍ର ଏହା ଭାରତରେ ସମ୍ପୂର୍ଣ୍ଣ ଭାବରେ ଦୃଶ୍ୟମାନ ହେବ । ଏହାବ୍ୟତୀତ ଏହା ୟୁରୋପ , ଉତ୍ତର ଆମେରିକା , ଆଫ୍ରିକା ରେ ମଧ୍ୟ ଦୃଶ୍ୟମାନ ହେବାକୁ ଯାଉଛି । ତେବେ ଯେତେବେଳେ ସୂର୍ଯ୍ୟ , ପୃଥିବୀ ଏବଂ ଚନ୍ଦ୍ର ମଧ୍ୟକୁ ଆସିଥାଏ ସେତେବେଳେ ସୂର୍ଯ୍ୟ ପରାଗ ହୋଇଥାଏ ।
ଯାହାଦ୍ୱାରା ଚନ୍ଦ୍ରର ଛାଇ ପୃଥିବୀ ଉପରେ ପଡ଼ିଥାଏ । ଜ୍ୟୋତିଷ ଶାସ୍ତ୍ର ଅନୁସାରେ ସୂର୍ଯ୍ୟ ପରାଗ ଅତ୍ୟନ୍ତ ମହତ୍ତ୍ୱପୁର୍ଣ୍ଣ ଅଟେ । ତେବେ ଆଜିକାର ଲେଖାରେ ଆମେ ଆପଣଙ୍କୁ କହିବୁ ଯେ ସେ ଏହି ସୂର୍ଯ୍ୟ ପରାଗ ମର ସମୟ କେତେବେଳେ ଏବଂ କେଉଁ ସବୁ ସତର୍କତା ଅବଲମ୍ବନ କରିବାକୁ ପଡ଼ିବ । ଏହାବ୍ୟତୀତ ଏହି ସୂର୍ଯ୍ୟ ପରାଗ କେଉଁ ରାଶି ପାଇଁ ଶୁଭ ଏବଂ କେଉଁ ରାଶି ପାଇଁ ଅଶୁଭ ହେବାକୁ ଯାଉଛି ତାହା ମଧ୍ୟ କହିବାକୁ ଯାଉଛୁ ।
ଚଳିତ ବର୍ଷ ସୂତକ ସମୟ ଅକ୍ଟୋବର ୨୪ ରାତି ୯.୨୫ ରୁ ଆରମ୍ଭ ହୋଇ ଅକ୍ଟୋବର ୨୫ ସନ୍ଧ୍ୟା ୬.୩୨ ପର୍ଯ୍ୟନ୍ତ ରହିବ । ଏହାବ୍ୟତୀତ ପରାଗ ସମୟ ଅକ୍ଟୋବର ୨୫ ଦିନ ୨.୨୮ ରୁ ସନ୍ଧ୍ୟା ୬.୩୨ ପର୍ଯ୍ୟନ୍ତ । ସମ୍ପୂର୍ଣ୍ଣ ଗ୍ରହଣ ଆରମ୍ଭ ୪.୩୧ ରୁ । ଭାରତରେ ସୂତକ କାଳ ୨୫ ଅକ୍ଟୋବର ରେ ରହିବ ।ଏହାର ଧାର୍ମିକ ମାନ୍ୟତା ସମ୍ପୂର୍ଣ୍ଣ ଭିନ୍ନ ଅଟେ । ଏହାର ଖରାପ ପ୍ରଭାବ ସବୁ ଜୀବଜନ୍ତୁ ଉପରେ ପଡ଼ିଥାଏ ।
ପୁଣି ଏହା ସମୁଦ୍ର ମନ୍ଥନର ଏକ କାହାଣୀ ସହିତ ଜଡ଼ିତ ରହିଛି । ଏହି ସମୟରେ କିଛି ସାବଧାନତା ଅବଲମ୍ବନ କରିବା ଉଚିତ । ଏହାର ପ୍ରଭାବ ଗର୍ଭବତୀ ମହିଳାଙ୍କ ଉପରେ ଅଧିକ ପଡ଼ିଥାଏ । ତେଣୁ ସେମାନେ ସତର୍କ ରହିବା ସହିତ ସୂର୍ଯ୍ୟ ପରାଗ ଦେଖିବା ମଧ୍ୟ ଉଚିତ ନୁହେଁ ।ପରାଗ ସମୟରେ ଗର୍ଭବତୀ ମହିଳା ମାନେ କୌଣସି ଜିନିଷ କଟାକଟି କିମ୍ବା ସିଲେଇ କାର୍ଯ୍ୟ କରନ୍ତି ନାହିଁ । ଧାରୁଆ ଜିନିଷ ଠାରୁ ସମ୍ପୂର୍ଣ୍ଣ ଦୂରେଇ ରହିବା ଉଚିତ ।
ପରାଗ ସମୟରେ କଳା ରଙ୍ଗର ବସ୍ତ୍ର ଧାରଣ କରିବା ଉଚିତ ନୁହେଁ । ଏହି ସମୟରେ ବହାରକୁ ବାହାରିବା ମଧ୍ୟ ନିଷେଧ ଅଟେ । ଏହି ସମୟରେ କବାଟ ଝରକା ନିଶ୍ଚୟ ବନ୍ଦ କରି ଦିଅନ୍ତୁ । ଏହି ସମୟରେ ଶୋଇବା ମଧ୍ୟ ଉଚିତ ନୁହେଁ । ସୂର୍ଯ୍ୟ ପରାଗ ସମୟରେ ଗର୍ଭବତୀ ମହିଳା ମାନେ ଏକ ନଡ଼ିଆ ଧରି ବସିବା ଉଚିତ । ଏହାଦ୍ବାରା କୌଣସି ଗ୍ରହର ପ୍ରଭାବ ଜନ୍ମ ହେବାକୁ ଥିବା ଶିଶୁ ଉପରେ ପଡ଼ିବ ନାହିଁ । ଏହି ସମୟରେ ଭଗବାନଙ୍କର ଯେକୌଣସି ମନ୍ତ୍ରର ଜପ ମଧ୍ୟ କରିବା ଉଚିତ ।
ଧାର୍ମିକ ମାନ୍ୟତା ଅନୁଯାୟୀ ସୂତକ କାଳରେ କୌଣସି ଶୁଭ କାର୍ଯ୍ୟ କରାଯାଏ ନାହିଁ । ଏହାବ୍ୟତୀତ ଏହି ସମୟରେ ଶୋଇବା ମଧ୍ୟ ବର୍ଜିତ ଅଟେ । ନଚେତ ରୋଗର ସାମ୍ନା କରିବାକୁ ପଡିଥାଏ । ଏହି ସମୟରେ ପୂଜାପାଠ କରିବା ଉଚିତ ନୁହେଁ । ନଚେତ ପୂଜାର ବିପରୀତ ଫଳ ମିଳିଥାଏ । ପରାଗ ସମୟରେ ଝାଡ଼ୁ ଲଗାଇବା ଉଚିତ ନୁହେଁ । ଝାଡୁ ଲଗାଇବା ଦ୍ୱାରା ଘରକୁ ଦାରିଦ୍ର୍ୟତା ଏବଂ ଅଲକ୍ଷ୍ମୀ ଆସିଥାନ୍ତି ।
ଘର ଲୋକେ ରୋଗ ଶୋକରେ ଗ୍ରାସିତ ହୁଅନ୍ତି । ଗ୍ରହଣ ସମୟରେ ପାକ ନିଷେଧ ଥାଏ ଅର୍ଥାତ ଏହି ସମୟରେ ଖାଦ୍ୟ ଖାଇବା ଉଚିତ ନୁହେଁ । କାରଣ ସୂର୍ଯ୍ୟ ରଶ୍ମିରେ ଅନେକ ଜୀବାଣୁ ରହିଥାଏ ଯାହା ଖାଦ୍ୟକୁ ବିଷାକ୍ତ କରିଥାଏ । କାରଣ ଏହା ଉପରେ ରାହୁ ପ୍ରଭାବ ପଡ଼ିଥାଏ । ତେଣୁ ଗ୍ରହଣର ଠିକ ୨ ଘଣ୍ଟା ପୂର୍ବରୁ ହିଁ ଖାଇନେବା ଉଚିତ ।
ଖାଦ୍ୟ ପୂର୍ବରୁ ବନାଇ ସେଥିରେ ତୁଳସୀ ପତ୍ର ପକାଇ ଦିଅନ୍ତୁ ।
ସୂର୍ଯ୍ୟ ପରାଗ ସମୟରେ କିଛି ରଷିଙ୍କ ପାଇଁ ଅତ୍ୟନ୍ତ ଶୁଭ ରହିଛି । ଆଉ କିଛି ରାଷିଙ୍କ ପାଇଁ ଅଶୁଭ ମଧ୍ୟ ରହିଛି । ଜ୍ୟୋତିଷ ଶାସ୍ତ୍ର ଅନୁସାରେ ସୂର୍ଯ୍ୟ ପରାଗ କାରଣରୁ ଗ୍ରହ ଏବଂ ନକ୍ଷତ୍ର ମାନଙ୍କର ସ୍ଥିତି ପରିବର୍ତ୍ତନ ହେବାକୁ ଯାଉଛି । ଯାହାଦ୍ୱାରା କିଛି ରାଶି ଉପରେ ଭଲ ପ୍ରଭାବ ପଡ଼ିବାକୁ ଯାଉଥିବା ବେଳେ ଆଉ କିଛି ରାଶି ଉପରେ ଖରାପ ପ୍ରଭାବ ପଡ଼ିବାକୁ ଯାଉଛି । ତେବେ ଚାରୋଟି ରାଶି ଉପରେ ଶୁଭ ପ୍ରଭାବ ପଡ଼ିବାକୁ ଯାଉଛି , ଯଥା ବୃଷ ରାଶି , ସିଂହ ରାଶି , ଧନୁ ରାଶି ଏବଂ ମକର ରାଶି ।
ଏହି ଚାରୋଟି ରାଶିର ବ୍ୟକ୍ତି ବିଶେଷ ଅତ୍ୟନ୍ତ ଶୁଭ ଫଳ ପ୍ରାପ୍ତ କରିବାକୁ ଯାଉଛନ୍ତି । ସୂର୍ଯ୍ୟ ପରାଗ ଦିନ ସମେତ ଆଗାମୀ ଦିନ ମଧ୍ୟ ଏମାନଙ୍କ ପାଇଁ ଅତ୍ୟନ୍ତ ଶୁଭ ହେବାକୁ ଯାଉଛି । ମେଷ , ମିଥୁନ , କନ୍ୟା ଏବଂ କୁମ୍ଭ ରାଶି ପାଇଁ ସୂର୍ଯ୍ୟ ପରାଗ ସାମାନ୍ୟ ରହିବ । କର୍କଟ , ତୁଳା , ବିଛା ଏବଂ ମୀନ ରାଶି ପାଇଁ ସୂର୍ଯ୍ୟ ପରାଗ ଅଶୁଭ ରହିବାକୁ ଯାଉଛି ।
