ଭଗବାନ ଶ୍ରୀକୃଷ୍ଣଙ୍କ ଅନୁଯାୟୀ କିଛି ଗଛ ଯଦି ବ୍ୟକ୍ତିଙ୍କ ଘର ସାମ୍ନାରେ କିମ୍ବା ଚାରିପଟେ ସ୍ୱତଃ ଜନ୍ମ ହୋଇଥାଏ ତେବେ ଏହା ସେହି ବ୍ୟକ୍ତି ପାଇଁ ସୌଭଗ୍ୟ ଆଣିଥାଏ । ଏହାଦ୍ବାରା ମାତା ଲକ୍ଷ୍ମୀଙ୍କ ଆଗମନ ହୋଇଥାଏ ଏବଂ ସେହି ବ୍ୟକ୍ତିର ଦାରିଦ୍ର୍ୟତା ଦୂର ହୋଇଯାଏ । ଏହି ଗଛ ଯେତେବେଳେ ସବୁଜ ଏବଂ ଭରପୁର ରହିଥାଏ ସେହିଠାରେ ସକାରାତ୍ମକତା ଜାତ ହୋଇଥାଏ । ମାତ୍ର ଏହି ଗଛ ଶୁଖିଗଲେ ଘରକୁ ନକରାତ୍ମକତା ଆସିଥାଏ ।
କିଛି ଗଛ ଯଦି ଆପଣ ଘରେ ଲଗାନ୍ତି ତେବେ ଘରକୁ ସୁଖ ସମୃଦ୍ଧି ଆସିବା ସହିତ ଦାରିଦ୍ର୍ୟତା ମଧ୍ୟ ଦୂରେଇ ଯାଏ । ମାତ୍ର ଅନେକ ଯତ୍ନ ପରେ ବି ଯଦି ସେହି ଗଛ ଶୁଖିଯାଏ ତେବେ ତାହାର ଅର୍ଥ ଘର ଉପରେ କୌଣସି ନକରାତ୍ମକ ଶକ୍ତିର ପ୍ରଭାବ ରହିଛି କିମ୍ବା କୌଣସି ତନ୍ତ୍ର ଶକ୍ତିର ପ୍ରଭାବ ରହିଛି ।
ତେଣୁ ଏପରି ହେଲେ ତୁରନ୍ତ କିଛି ଉପାୟ କରିନେବା ଉଚିତ । ଏହାବ୍ୟତୀତ ଯଦି ଘର ଚାରି ପାଖରେ କିଛି ସ୍ୱତନ୍ତ୍ର ଧରଣର ଗଛ ଜନ୍ମ ହୁଏ ତେବେ ଏହାଦ୍ବାରା ଘରକୁ ନକରାତ୍ମକ ଶକ୍ତିର ପ୍ରବେଶ ହୋଇଥାଏ ଏବଂ ଘରର ସଦସ୍ୟଙ୍କ ସୌଭଗ୍ୟ ଦୁର୍ଭାଗ୍ୟରେ ପରିଣତ ହୋଇଯାଏ । ତେଣୁ ସେପରି ଗଛକୁ ତୁରନ୍ତ ହଟାଇ ଦେବା ଉଚିତ । ଆଉ କିଛି ଗଛ ଏପରି ସ୍ୱତଃ ଜନ୍ମ ହୋଇଯିବା ଅତ୍ୟନ୍ତ ଶୁଭ ହୋଇଥାଏ । ଏହିଭଳି ଘରକୁ କିଛି ପଶୁ ପକ୍ଷୀ ମଧ୍ୟ ଆସିଲେ ତାହାର ଅତ୍ୟନ୍ତ ଶୁଭ ସଙ୍କେତ ମିଳିଥାଏ । ତେବେ ଚାଲନ୍ତୁ ସେହି ଗଛ ଗୁଡ଼ିକ ବିଷୟରେ ଜାଣିନେବା ।
୧ . ତୁଳସୀ ଗଛ :-
ଭଗବାନ ଶ୍ରୀକୃଷ୍ଣଙ୍କ ଅନୁଯାୟୀ ତୁଳସୀ ଗଛ ସବୁଠାରୁ ଅଧିକ ପବିତ୍ର ହୋଇଥାଏ । ଏହି ଗଛ ଯେଉଁ ଘରେ ଥାଏ ସେଠାରେ ମାତା ଲକ୍ଷ୍ମୀଙ୍କ ବାସ ହୋଇଥାଏ । ଯାହାଦ୍ୱାରା ଘରକୁ ସୁଖ ସମୃଦ୍ଧି ଆସିଥାଏ । ତୁଳସୀ ଗଛର ଅନେକ ଔଷଧୀୟ ଗୁଣ ରହିଥାଏ । ତେଣୁ ଏହି ଗଛ ଘର ଚାରି ପାଖରେ ସ୍ୱତଃ ଜନ୍ମ ହେଲେ ଏହା ଅତ୍ୟନ୍ତ ଶୁଭ ହୋଇଥାଏ । ଏହାଦ୍ବାରା ଦାରିଦ୍ର୍ୟତା ଦୂରେଇ ଯାଏ ଏବଂ ଘରକୁ ସୁଖ ସମୃଦ୍ଧି ଆସିଥାଏ ।
୨ . କଦଳୀ ଗଛ :-
କଦଳୀ ଗଛରେ ଭଗବାନ ବିଷ୍ଣୁଙ୍କ ବାସ ହୋଇଥାଏ । ଗୁରୁବାର ଦିନ କଦଳୀ ଗଛକୁ ପୂଜା କଲେ ଜୀବନରେ ସର୍ବଦା ଉନ୍ନତି ହୋଇଥାଏ । ମାତ୍ର ଏହି ଗଛ ଯଦି ଘର ଚାରିପାଖରେ ସ୍ଵତଃ ପ୍ରକଟ ହୋଇଯାଏ ତେବେ ଘରର ସଦସ୍ୟଙ୍କ ସ୍ୱାସ୍ଥ୍ୟରେ ସୁଧାର ଆସିଥାଏ । ଘରକୁ ଅକାଳ ମୃତ୍ୟୁ ଆସି ନଥାଏ । ଏହାବ୍ୟତୀତ ଧନ ସମ୍ପତ୍ତିରେ ମଧ୍ୟ ବୃଦ୍ଧି ହୋଇଥାଏ ।
୩ . ଅଶୋକ ଗଛ :-
ଏହି ଗଛ ଶୋକ ନାଶ ଗଛ ହୋଇଥାଏ । ଏହି ଗଛ ସ୍ଵତଃ ଘର ଚାରିପଟେ ଜନ୍ମ ହେଲେ ଏହା ଅତ୍ୟନ୍ତ ଶୁଭ ହୋଇଥାଏ । ଏହି ଗଛ ଶୁଖିଗଲେ ଅନେକ ଅଶୁଭ ସଙ୍କେତ ଦେଇଥାଏ । ଶାସ୍ତ୍ରରେ ଏହି ଗଛର ଅନେକ ମହତ୍ତ୍ୱ ରହିଛି । ଏହାଦ୍ବାରା ଆପଣଙ୍କ ଦୁଃଖର ଅନ୍ତ ମଧ୍ୟ ହୋଇଯାଏ ।
