ଭଗବାନ ଶ୍ରୀକୃଷ୍ଣ କହନ୍ତି ଯେ ପ୍ରତ୍ୟେକ ବ୍ୟକ୍ତିଙ୍କ ଘରେ ପ୍ରସ୍ତୁତ ହେଉଥିବା ଭୋଜନ ଉପରେ ଘରର ସବୁ ସଦସ୍ୟ ଏବଂ ଘର ପାଖରେ ରହୁଥିବା ସବୁ ପଶୁ ପକ୍ଷୀ ଏବଂ ଘରକୁ ଆସୁଥିବା ଅତିଥିଙ୍କୁ ସମାନ ଅଧିକାର ହୋଇଥାଏ । ଅନ୍ନ ଦାନ କରିବାରେ ମଣିଷକୁ କେବେବି କଞ୍ଜୁସି କରିବା ଉଚିତ ନୁହେଁ । ରୋଷେଇ ଘରେ ଭୋଜନ ପ୍ରସ୍ତୁତ କରିବା ସମୟରେ ସ୍ତ୍ରୀଙ୍କୁ ଅନେକ ଜରୁରୀ ନିୟମ ପ୍ରତି ଧ୍ୟାନ ଦେବା ଉଚିତ । ଯାହାଦ୍ୱାରା ଘରେ ସୁଖ ଶାନ୍ତି ବଜାୟ ରହିବ ।ବାସ୍ତୁ ଶାସ୍ତ୍ର ଅନୁଯାୟୀ ରୋଷେଇ ଘର ସମସ୍ତ ଶକ୍ତିର ଭଣ୍ଡାର ହୋଇଥାଏ ।
ଏହିଠାରୁ ହିଁ ସମ୍ପୂର୍ଣ୍ଣ ଘରକୁ ଶକ୍ତି ପ୍ରସାରିତ ହୋଇଥାଏ । ସେହି ଘରେ ରହୁଥିବା ସବୁ ପ୍ରାଣୀଙ୍କ ଜୀବନ ଏହିଠାରୁ ଆରମ୍ଭ ହୋଇଥାଏ । ଏହି ସ୍ଥାନ ସବୁଠାରୁ ପ୍ରମୁଖ ହୋଇଥାଏ । ରୋଷେଇ ଘରେ ବାସ୍ତୁର ନିୟମ କଠୋରତାର ସହିତ ପାଳନ କରିବା ଉଚିତ । କେବେକେବେ ଛୋଟ ଛୋଟ ଭୁଲ କାରଣରୁ ଘରକୁ ନକରାତ୍ମକ ଶକ୍ତି ପ୍ରବେଶ କରିଥାଏ । ଯାହାର ପ୍ରଭାବ ଭୋଜନ ଉପରେ , ଭୋଜନ ବନାଉଥିବା ସ୍ତ୍ରୀ ଉପରେ ଏବଂ ଗ୍ରହଣ କରୁଥିବା ସବୁ ପ୍ରାଣୀଙ୍କ ଉପରେ ପଡ଼ିଥାଏ । ତେଣୁ ଭଗବାନ ଶ୍ରୀକୃଷ୍ଣ ଏପରି ଏକ ମନ୍ତ୍ର ବିଷୟରେ କହିଛନ୍ତି ଯାହା ପ୍ରତ୍ୟେକ ସ୍ତ୍ରୀ କୁ ପ୍ରତ୍ୟେକ ଦିନ ରୋଷେଇ ଘରକୁ ପ୍ରବେଶ କରିବା ପୂର୍ବରୁ ନିଶ୍ଚିତ କହିବା ଉଚିତ ।
ଏହି ଛୋଟ ମନ୍ତ୍ର ଦ୍ୱାରା ରୋଷେଇ ଘରର ଥିବା ସମସ୍ତ ଖରାପ ଶକ୍ତିର ନାଶ ହୋଇଯାଏ ଏବଂ ରୋଷେଇ ଘର ଅତ୍ୟନ୍ତ ପବିତ୍ର ହୋଇଯାଏ । ଆଜିକାର ଏହି ଲେଖାରେ ଆମେ ଆପଣଙ୍କୁ କହିବୁ ଯେ ରୋଷେଇ ଘରେ ପୁରୁଷ କିମ୍ବା ମହିଳାଙ୍କୁ କେଉଁ ଚାରୋଟି କାର୍ଯ୍ୟ କରିବା ଆଦୌ ଉଚିତ ନୁହେଁ । ବାସ୍ତୁ ଶାସ୍ତ୍ର ଅନୁସାରେ ରୋଷେଇ ଘରେ ଏହି ଚାରୋଟି କାମ କରିବା ଦ୍ୱାରା ରୋଷେଇ ଘରର ବାତାବରଣ ନକରାତ୍ମକ ହୋଇଯାଏ , ରୋଷେଇ ଘରର ପବିତ୍ରତା ନଷ୍ଟ ହୋଇଯାଏ , ଯେଉଁ କାରଣରୁ ସେହି ସ୍ଥାନକୁ ମାତା ଲକ୍ଷ୍ମୀ ଛାଡ଼ି ଚାଲି ଯାଆନ୍ତି । ଏହି କାରଣରୁ ଘରକୁ ଦୁଃଖ ଏବଂ କ୍ଳେଶର ଆଗମନ ହୋଇଥାଏ ।
ବାସ୍ତୁ ଶାସ୍ତ୍ର ଅନୁସାରେ ରୋଷେଇ ଘରକୁ ଅଗ୍ନି ଦିଗରେ ଅର୍ଥାତ ଦକ୍ଷିଣ ପୂର୍ବ ଦିଗରେ ବନାଇବା ଉଚିତ । ରୋଷେଇ ଘରର ଜିନିଷ ଅଗ୍ନି ତତ୍ତ୍ୱରେ ହୋଇଥାଏ । ତେଣୁ ଏହି ଦିଗ ସର୍ବୋତ୍ତମ ହୋଇଥାଏ । ଅନ୍ୟ ଦିଗରେ ତିଆରି ହୋଇଥିବା ରୋଷେଇ ଘର ଏତେ ଲାଭକାରୀ ହୋଇ ନଥାଏ । ଭୋଜନ ବନାଇବା ସମୟରେ ସ୍ତ୍ରୀ ର ମୁଁହ ପୂର୍ବ ଦିଗକୁ ହେବା ଆବଶ୍ୟକ । ପଶ୍ଚିମ ଏବଂ ଦକ୍ଷିଣ ଦିଗକୁ ମୁଁହ କରି ଭୋଜନ ପ୍ରସ୍ତୁତ କଲେ ଘରର ସଦସ୍ୟଙ୍କ ସ୍ୱାସ୍ଥ୍ୟ ବାରମ୍ବାର ଖରାପ ହୋଇଥାଏ ।
୨ . ଆପରିସ୍କାର ରୋଷେଇ ଘର ଦାରିଦ୍ର୍ୟତାର କାରଣ ହୋଇଥାଏ । ରୋଷେଇ ଘରକୁ କେବେବି ଆପରିସ୍କାର ରଖିବା ଉଚିତ ନୁହେଁ । ରୋଷେଇ ଘରେ ଆବର୍ଜନା ଜମା କରି ରଖିବା ଉଚିତ ନୁହେଁ । ବାସ୍ତୁ ଶାସ୍ତ୍ର ଅନୁସାରେ ଭୋଜନ ତିଆରି କରିବା ପୂର୍ବରୁ ରୋଷେଇ ଘରକୁ ଭଲଭାବରେ ସ୍ୱଚ୍ଛ କରିବା ଉଚିତ । ରୋଷେଇ ଘରେ ଭଙ୍ଗାରୁଜା ବାସନ ରହିବା ମଧ୍ୟ ଦାରିଦ୍ର୍ୟତାର କାରଣ ହୋଇଥାଏ । ଏହାସହିତ ଭଙ୍ଗା ବାସନରେ ଭୋଜନ କଲେ ଦୁର୍ଭାଗ୍ୟ ଆସିଥାଏ । ରାତ୍ରି ସମୟରେ ଭୋଜନ ପରେ ରୋଷେଇ ଘରେ କେବେବି ଅଇଁଠା ବାସନ ଛାଡ଼ିବା ଉଚିତ ନୁହେଁ । କାରଣ ତାହାଦ୍ୱାରା ରୋଷେଇ ଘରର ବାତାବରଣ ଖରାପ ହୋଇଯାଏ ।
୩ . ମହିଳା ମାନେ କେବେବି ବିନା ସ୍ନାନରେ ଭୋଜନ ବନାଇବା ଉଚିତ ନୁହେଁ । ଶାସ୍ତ୍ର ଅନୁଯାୟୀ ବିନା ସ୍ନାନରେ ତିଆରି ହୋଇଥିବା ଭୋଜନ ଅଶୁଦ୍ଧ ହୋଇଥାଏ । ଏହାକୁ ଅପବିତ୍ର ମାନା ଯାଇଛି । ଏପରି ଭୋଜନ ଦେବଦେବୀ ଗ୍ରହଣ କରନ୍ତି ନାହିଁ । ନଚେତ ଘରର ଲୋକେ ସବୁବେଳେ ରୋଗାକ୍ରାନ୍ତ ରହନ୍ତି ।
୪ . ପ୍ରତ୍ୟେକ ଦିନ ସ୍ନାନ ସାରି ରୋଷେଇ ଘରକୁ ପ୍ରବେଶ କରିବା ପୂର୍ବରୁ ଏହି ମନ୍ତ୍ର ଜପ କରିବା ଆବଶ୍ୟକ । ” ଓଁ ବିଘ୍ନରାଜାୟ ନମଃ ” ମନ୍ତ୍ରର ଜପ ଦ୍ୱାରା ରୋଷେଇ ଘରେ ଥିବା ସବୁପ୍ରକାରର ନକାରାତ୍ମକ ଶକ୍ତି ଦୂରେଇ ଯାଏ ।
