ଏକ ଚମତ୍କାର ଘଟଣାରେ ଜଣେ ମହିଳାଙ୍କ ଜୀବନ ଟିକେ ଟିକେରେ ବଞ୍ଚିଗଲା। ସ୍କୁଟି ଚଲେଇ ରାସ୍ତା ପାର ହେଉଥିବାବେଳେ ଏପରି ଘଟଣା ଘଟିଛି।ଗତ ସପ୍ତାହର ମଙ୍ଗଳବାର ଦିନ ସ୍କୁଟି ଚଳାଉ ଥିବା ଜଣେ ମହିଳା ମଣିପାଲ ନିକଟରେ ଏକ ଟ୍ରକକୁ ଧକ୍କା ଦେବା ପରେ ଗୁରୁତର ଦୁର୍ଘଟଣା ଘଟିଥିଲା। ସିସିଟିଭି ଫୁଟେଜରୁ ଦେଖିବାକୁ ମିଳିଛି ଯେ ମହିଳା ଜଣକ ପେରାମପଲି ଅଞ୍ଚଳରେ ରାସ୍ତା ପାର ହେଉଥିଲେ। ସେ କ୍ଷୀର ବୋହି ନେଉ ଯାଉଥିବା ବେଳେ ତାଙ୍କ ସହ ଏକ ଟ୍ରକ୍ ଧକ୍କା ହେଇଗଲା। ଦୁର୍ଘଟଣା ପରେ ମହିଳା ଜଣକ ମଝି ରାସ୍ତାରେ ପଡ଼ିଯାଇଥିଲେ। ଆଖପାଖରେ ଥିବା ଲୋକମାନେ ଏହି ଦୁର୍ଘଟଣା ଦେଖି ଡରିଗଲେ।
ଦୁର୍ଘଟଣାର ଭିଡିଓ ଦେଖିବା ପରେ ଆପଣ ବୁଝିଯିବେ କେତେ ବଡ଼ ଦୁର୍ଘଟଣା ଘଟିଥିଲା। ଖୁସିର କଥା, ମହିଳା ଜଣକ କେବଳ ସାମାନ୍ୟ ଆଘାତ ପାଇଥିଲେ। ମହିଳା ଜଣକ କେବଳ ଗୋଟିଏ ଭୁଲ କରିଥିଲେ ଯେ ରାସ୍ତା ପାର ହେଲାବେଳେ ସେ ଡାହାଣ ପାର୍ଶ୍ୱକୁ ନଦେଖି ସ୍କୁଟିକୁ ଆଗକୁ ନେଇ ଗଲେ, କିନ୍ତୁ ଟ୍ରକ୍ ଅନ୍ୟ ପାର୍ଶ୍ୱରୁ ବହୁ ଜୋରେ ଆସୁଥିଲା। ଆଖି ପିଛୁଳାକେ ଟ୍ରକ୍ ଟି ମହିଳାଙ୍କୁ ଧକ୍କା ଦେଲା। ଆଶ୍ଚର୍ଯ୍ୟର କଥା, ତଳେ ପଡ଼ିଯାଇଥିବା ମହିଳା କିଛି ସେକେଣ୍ଡରେ ଠିଆ ହୋଇ ହେଲମେଟ ଠିକ୍ କରିବାକୁ ଲାଗିଲେ। ଏହା ମଧ୍ୟ କୁହାଯାଇପାରେ ଯେ ଏକ ହେଲମେଟ ତାଙ୍କ ଜୀବନ ରକ୍ଷା କରିଛି।
View this post on Instagram
ଆହତ ମହିଳାଙ୍କ ଚାରିପାଖରେ ଏକ ଜନସମାଗମ ହୋଇଥିଲା, ମହିଳାଙ୍କୁ ସାହାଯ୍ୟ କରି ଲୋକମାନେ ଏକ ଚେୟାର ଦେଲେ। ଭିଡିଓ ଦେଖିବା ପରେ ନେଟେନିଜେନ୍ସ କାହାର ଦୋଷ ବିଷୟରେ ଆଲୋଚନା କରିଥିଲେ। ମାର୍ଚ୍ଚ ୩ ତାରିଖ ସକାଳ ପ୍ରାୟ ୭.୩୦ ରେ ଏହି ଦୁର୍ଘଟଣା ଘଟିଛି ଏବଂ ସିସିଟିଭି ଭିଡିଓରେ ଟ୍ରକଟି ମହିଳାଙ୍କୁ ଧକ୍କା ଦେବା ପରେ ଅଟକି ନ ଯାଇ ଦ୍ରୁତ ଗତିରେ ପକେଇବାର ଦେଖାଯାଇଛି।
ମନିପାଲ ପୋଲିସ ଷ୍ଟେସନ ନିଶ୍ଚିତ କରିଛି ଯେ ଟ୍ରକ ଡ୍ରାଇଭରଙ୍କ ବିରୋଧରେ ମାମଲା ରୁଜୁ କରାଯାଇ ନାହିଁ, ଯାହା ଦୁର୍ଘଟଣା ପରେ ତୁରନ୍ତ ଚିହ୍ନଟ ହୋଇପାରିବ ନାହିଁ। ଦାୟିତ୍ୱରେ ଥିବା ପୋଲିସ୍ କହିଛନ୍ତି, ‘ମହିଳା ଜଣକ କିଛି ଅଭିଯୋଗ କରିନାହାଁନ୍ତି, ତେଣୁ ଆମେ ଗାଡି କିମ୍ବା ଏହାର ଡ୍ରାଇଭରକୁ ଚିହ୍ନଟ କରିନାହୁଁ।’
