‘କାଚା ବାଦାମ’ ଗୀତ ଗାଇ ରାତାରାତି ଇଣ୍ଟରନେଟରେ ପ୍ରାଧାନ୍ୟ ବିସ୍ତାର କରିଥିବା ଭୁବନ ବାଦ୍ୟକର ଆଜିକାଲି ପୁଣିଥରେ ହେଡଲାଇନରେ ସ୍ଥାନ ପାଇଛନ୍ତି। ସେ କହିଛନ୍ତି ଯେ ସେ ବର୍ତ୍ତମାନ ଜଣେ ସୁପରଷ୍ଟାର ହୋଇଛନ୍ତି, ତେଣୁ ଆଉ ବାଦାମ ବିକ୍ରି କରିବେ ନାହିଁ। ତେବେ ବର୍ତ୍ତମାନ ସେ ତାଙ୍କ ବିବୃତ୍ତି ପାଇଁ କ୍ଷମା ମାଗିଛନ୍ତି ଏବଂ ପୁନର୍ବାର ବାଦାମ ବିକ୍ରି କରିବେ ବୋଲି କହିଛନ୍ତି।
ଭୁବନଙ୍କର ନିକଟରେ ଏକ ଦୁର୍ଘ-ଟଣା ହେଇଥିଲା। ସେ ଏକ କାର କିଣିଥିଲେ, କାର ଚଲେଇବା ଶିଖିବା ବେଳେ ତାଙ୍କର ଦୁର୍ଘ-ଟଣା ହେଇଗଲା। ଏହା ପରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଗଲା। ବର୍ତ୍ତମାନ ସେ ସମ୍ପୂର୍ଣ୍ଣ ସୁସ୍ଥ ହୋଇଯାଇଛନ୍ତି। ତାଙ୍କର ଏକ ନୂତନ ଗୀତ ମଧ୍ୟ ଆସୁଛି, ଏହି ଗୀତର ରେକର୍ଡିଂ ପଶ୍ଚିମବଙ୍ଗର ବୋଲପୁରର ଟ୍ୱିଲାଇଟ୍ ଷ୍ଟୁଡିଓରେ ହେଇଛି। ଯେଉଁଥିରେ ସେ ତାଙ୍କ ଦୁର୍ଘ-ଟଣାର କାହାଣୀ ଦୁନିଆକୁ କହିଛନ୍ତି।
ବିସିସିଆଇର ଅଧ୍ୟକ୍ଷ ସୌରଭ ଗାଙ୍ଗୁଲିଙ୍କ ଟେଲିଭିଜନ ଶୋ ‘ଦାଦାଗିରି’କୁ ମଧ୍ୟ ଭୁବନଙ୍କୁ ନିମନ୍ତ୍ରଣ କରାଯାଇଥିଲା। ଯେଉଁଠାରେ ତାଙ୍କୁ ମଧ୍ୟ ସମ୍ମାନିତ କରାଯାଇଛି। କିଛିଦିନ ତଳେ ସେ ଲୋକମାନଙ୍କ ଟାର୍ଗେଟକୁ ଆସିଥିଲେ ଯେତେବେଳେ ସେ କହିଲେ ଯେ ସେ ବର୍ତ୍ତମାନ ଜଣେ ସେଲିବ୍ରିଟି ତେଣୁ ସେ କଞ୍ଚା ବାଦାମ ବିକ୍ରି କରିବେ ନାହିଁ। ଏହି କଥା ପାଇଁ ସେ ବର୍ତ୍ତମାନ କ୍ଷମା ପ୍ରାର୍ଥନା କରିଛନ୍ତି। ସେ କହିଛନ୍ତି ଯେ ସେଲିବ୍ରିଟିମାନଙ୍କ ସହିତ କ’ଣ ହୁଏ ସେ ବିଷୟରେ ତାଙ୍କର କୌଣସି ଧାରଣା ନାହିଁ।
View this post on Instagram
ଯଦି ଆବଶ୍ୟକ ହୁଏ ତେବେ ସେ ପୁନର୍ବାର କଞ୍ଚା ବାଦାମ ବିକ୍ରି କରିବେ ବୋଲି କହିଛନ୍ତି। ଭୁବନ କହିଛନ୍ତି ଯେ ମୁଁ ସେଲିବ୍ରିଟିର ପ୍ରକୃତ ଅର୍ଥ କଣ ବୁଝି ନି। ଆଜି ସମସ୍ତେ ମୋ ସହିତ ଅଛନ୍ତି। ଯୋଉ ଦିନ ସମସ୍ତେ ମତେ ଛାଡି ପଳେଇବେ ମୁଁ ପୁନର୍ବାର ବାଦାମ ବିକ୍ରି କରିବେ। ଭୁବନ କହିଛନ୍ତି ଯେ ସେ ତାଙ୍କ ପୁଅ ପାଇଁ ସେକେଣ୍ଡ ହ୍ୟାଣ୍ଡ କାର କିଣିଛନ୍ତି। ଯାହାଫଳରେ ତାଙ୍କ ପୁଅ କାର ଚଳାଇ ରୋଜଗାର କରିପାରିବ। କାର ଶିଖିବା ସମୟରେ କାରଟି କାନ୍ଥ ସହିତ ଧକ୍କା ହେଇଗଲା।
