ମଣିଷ ଏବଂ ପଶୁମାନଙ୍କ ମଧ୍ୟରେ ସମ୍ପର୍କ ପ୍ରକୃତରେ ଅତୁଳନୀୟ ଅଟେ । ଉଭୟଙ୍କର ବନ୍ଧୁତ୍ୱର ଏପରି ଅନେକ କାହାଣୀ ଅଛି, ଯାହା ସମସ୍ତଙ୍କ ହୃଦୟ ଜିତିଛି । ଆମେ ସମସ୍ତେ ଜାଣୁ ଯେ ମଣିଷ ଯେପରି ନିଜ ଦୁନିଆରେ ଖୁସିରେ ରହିଥାଏ ସେମିତି ପଶୁମାନେ ମଧ୍ୟ ଜଙ୍ଗଲରେ ରହିବାକୁ ପସନ୍ଦ କରନ୍ତି । କିନ୍ତୁ ଅନେକ ଥର ଏହିପରି ଭିଡ଼ିଓ ଦେଖିବାକୁ ମିଳିଥାଏ ଯାହାକୁ ଦେଖିଲେ ଏପରି ମାନେ ହୁଏ ପଶୁମାନେ ମନୁଷ୍ୟର ସର୍ବୋତ୍ତମ ବନ୍ଧୁମାନଙ୍କ ମଧ୍ୟରୁ ଜଣେ । ଏହି କଥାକୁ ପ୍ରମାଣ କରୁଥିବା ଏକ ଭିଡିଓ ଆଜିକାଲି ବହୁତ ଭାଇରାଲ ହେଉଛି ।
ସୋସିଆଲ ମିଡିଆରେ ସେୟାର ହୋଇଥିବା ଭିଡିଓରେ ଏକ ହାତୀ ପଲ ଓ ସେମାନଙ୍କ ଯତ୍ନ ନେଉଥିବା ବ୍ୟକ୍ତି ଦେଖିବାକୁ ମିଳିଛି । ଭିଡିଓରେ ଡେରେକ ଥମ୍ପସନ ନାମକ ଜଣେ ବ୍ୟକ୍ତି ପାଣିରେ ଠିଆ ହୋଇଥିବା ଏବଂ ହାତୀମାନେ ତାଙ୍କ ନିକଟକୁ ଆସୁଥିବାର ଦେଖିବାକୁ ମିଳିଛି । ହାତୀମାନେ ଥମ୍ପସନଙ୍କୁ ନିଜ ଶୁଣ୍ଢ ରେ ସ୍ୱାଗତ କରୁଛନ୍ତି । ଥମ୍ପସନ୍ ତା’ପରେ ହାତୀମାନଙ୍କୁ ସ୍ନେହରେ ଆଲିଙ୍ଗନ କରୁଛନ୍ତି । ବାସ୍ତବରେ ଏହି ହାତୀମାନେ 14 ମାସ ପରେ ପୁନର୍ବାର ସେମାନଙ୍କର କେଆରଟେକର ସହ ଦେଖା ହେଲେ ।
ଏକ ସୂଚନା ଅନୁଯାୟୀ ଏହି ଘଟଣା ଥାଇଲ୍ୟାଣ୍ଡର ଏଲିଫ୍ୟଣ୍ଟ ନେଚର ପାର୍କରେ ଘଟିଛି । ହାତୀମାନଙ୍କର ଏହି ଭିଡିଓ ଅନେକ ଲୋକଙ୍କୁ ଭାବପ୍ରବଣ କରିଛି । ଲୋକମାନେ ଏହି ଭିଡିଓକୁ ବହୁତ ପସନ୍ଦ କରୁଛନ୍ତି । ଏହି ଭିଡିଓଟି ସୋସିଆଲ ମିଡିଆରେ ମଧ୍ୟ ବହୁ ମାତ୍ରାରେ ସେୟାର କରାଯାଉଅଛି । ଭିଡିଓରୁ ଏହା ସ୍ପଷ୍ଟ ଯେ ଯେପରି ଜଣେ ବ୍ୟକ୍ତି ନିଜର ଘନିଷ୍ଠ ବନ୍ଧୁଙ୍କଠାରୁ ଅଲଗା ହେବାର ଦୀର୍ଘ ସମୟ ପରେ ସାକ୍ଷାତ କରୁଛନ୍ତି ।
Elephants reunite with their caretaker after 14 months..
Sound on pic.twitter.com/wSlnqyuTca
— Buitengebieden (@buitengebieden_) December 23, 2021
ଏହି ଭିଡିଓ ସୋସିଆଲ ମିଡିଆରେ ସେୟାର ହେବା ମାତ୍ରେ ଲୋକମାନେ ଶୀଘ୍ର ସେମାନଙ୍କର ପ୍ରତିକ୍ରିୟା ଦେବା ଆରମ୍ଭ କରିଥିଲେ । ଭିଡିଓ ଦେଖିବା ପରେ ଜଣେ ଉପଭୋକ୍ତା ଲେଖିଛନ୍ତି ଯେ ବାସ୍ତବରେ ଏହି ପଶୁମାନେ ନିଜ ସାଙ୍ଗକୁ ଭୁଲି ନାହାଁନ୍ତି । ସେହି ସମୟରେ ଅନ୍ୟ ଜଣେ ଉପଭୋକ୍ତା ଲେଖିଛନ୍ତି ଯେ ମଣିଷ ଏବଂ ପଶୁଙ୍କ ବନ୍ଧୁତା ପ୍ରକୃତରେ ଆଶ୍ଚର୍ଯ୍ୟଜନକ ଅଟେ । ଏହି ଭିଡିଓ ଟ୍ୱିଟରରେ Buitengebieden ନାମକ ଆଇଡି ରେ ସେୟାର କରାଯାଇଛି ।
