ଦକ୍ଷିଣ ଚାଇନାରେ ବୈଜ୍ଞାନିକମାନେ ଏକ ବିରଳ ପ୍ରଜାତିର ଡାଇନୋସର ଅଣ୍ଡାର ଜୀବାଶ୍ମ ପାଇଛନ୍ତି । ଅଣ୍ଡା ଭିତରେ ବହୁତ ଭଲ ଡାଇନୋସର ଭ୍ରୁଣ ମଧ୍ୟ ଅଛି । ବିଶ୍ୱାସ କରାଯାଏ ଯେ ଏହି ଅଣ୍ଡା ୬୬-୭୨ ନିୟୁତ (୭ କୋଟି ୨୦ ଲକ୍ଷ) ବର୍ଷ ପୁରୁଣା । ଏହି ଭ୍ରୁଣର ନାମ ‘ବେବି ୟିଙ୍ଗଲିଆଙ୍ଗ’ ରଖାଯାଇଛି । ଜିଆଙ୍ଗସି ପ୍ରଦେଶର ଗାନଜୋ ସହରର ଶାହେ ଇଣ୍ଡଷ୍ଟ୍ରିଆଲ୍ ପାର୍କରେ ଥିବା ‘ହେକୋ ଫର୍ମେସନ୍’ର ଚଟାଣ ରେ ଏହା ଦେଖିବାକୁ ମିଳିଥିଲା ।
ବର୍ମିଂହାମ ବିଶ୍ୱବିଦ୍ୟାଳୟର ଜୀବାଶ୍ମ ବୈଜ୍ଞାନିକ ମାନେ କହିଛନ୍ତି ଯେ ଭ୍ରୁଣଟି ଏକ ଓଭାଇରାପ୍ଟୋରୋସର ପ୍ରଜାତିର ଅଟେ, ଯାହାର ଦାନ୍ତ ନଥିଲା ଓ ଥଣ୍ଟ ଥିଲା । ଓଭିରାପ୍ଟୋରୋସରମାନେ ପକ୍ଷୀ ଭଳି ଡାଇନୋସର ଥିଲେ ଯେଉଁମାନେ ଏସିଆ ଏବଂ ଉତ୍ତର ଆମେରିକାର ଜଙ୍ଗଲ ରେ ଦେଖାଯଉଥିଲେ । ସେମାନଙ୍କ ଥଣ୍ଟ ଏବଂ ଶରୀରର ଆକାର ଭିନ୍ନ ଥିଲା । ଏହି ଭ୍ରୁଣ ହେଉଛି ‘ସଂପୂର୍ଣ୍ଣ ବିରଳ ଡାଇନୋସର ଭ୍ରୁଣ’ ।
ଡେଲିମେଲର ରିପୋର୍ଟ ଅନୁଯାୟୀ, ଶିଶୁ ୟିଙ୍ଗଲିଆଙ୍ଗ ଜନ୍ମର ଅତି ନିକଟତର ଥିଲା । ତାର ମୁଣ୍ଡ ଶରୀର ତଳେ ଥିଲା, ପିଠି ଅଣ୍ଡା ଆକାରରେ ବଙ୍କା ହୋଇଯାଇଥିଲା ଗୋଡ ମୁଣ୍ଡର ଉଭୟ ପାର୍ଶ୍ୱରେ ଥିଲା । ଆଧୁନିକ ପକ୍ଷୀମାନଙ୍କରେ ‘ଟକିଂ’ ସମୟରେ ଏହି ପ୍ରକାରର ସ୍ଥିତି ଦେଖାଯାଏ । ଟକିଂ ହେଉଛି ଏକ ପ୍ରକ୍ରିୟା ଯାହା କେନ୍ଦ୍ରୀୟ ସ୍ନାୟୁ ପ୍ରଣାଳୀ ଦ୍ୱାରା ନିୟନ୍ତ୍ରିତ ହୋଇଥାଏ ଯାହା ଏକ ସଫଳ ପ୍ରଜନନ ପାଇଁ ମହତ୍ତ୍ଵ ପୂର୍ଣ୍ଣ ପ୍ରକ୍ରିୟା ।
ବର୍ମିଂହାମ ୟୁନିଭରସିଟିର ଜୀବାଶ୍ମ ବିଜ୍ଞାନି ଫିଓନ ବୈସମ ମାଇ ଏବଂ ତାଙ୍କ ସହ-କର୍ମୀମାନେ ଏହି ଅନୁସନ୍ଧାନ କରିଥିଲେ । ସେ କହିଛନ୍ତି ଯେ ଡାଇନୋସର ଭ୍ରୁଣଗୁଡ଼ିକ କିଛି ଦୁର୍ଲଭ ଜୀବାଶ୍ମ ମଧ୍ୟରୁ ଗୋଟିଏ ଏବଂ ସେଗୁଡ଼ିକ ମଧ୍ୟରୁ ଅଧିକାଂଶ ଅସ୍ଥିହୀନ । ‘ବେବି ୟିଙ୍ଗଲିଆଙ୍ଗ’ର ଆବିଷ୍କାର ପାଇଁ ଆମେ ଅତ୍ୟଧିକ ଉତ୍ସାହିତ ଅଛୁ ।
