ଆମେ ଆମ ଖାଦ୍ୟରେ ଅନେକ ପ୍ରକାରର ଜିନିଷ ବ୍ୟବହାର କରିଥାଉ , ସେଥିମଧ୍ୟରୁ ଗୋଟିଏ ମୁଖ୍ୟ ଜିନିଷ ରସୁଣ ଅଟେ। ରସୁଣ ଆମର ତରକାରୀର ଏକ ଗୁରୁତ୍ୱପୂର୍ଣ୍ଣ ଅଂଶ ଅଟେ। ଏହାକୁ ତରକାରୀରେ ପକାଇବା ଦ୍ୱାରା ତରକାରୀର ସ୍ୱାଦ ବଢ଼ି ଯାଇଥାଏ। ଏହାକୁ ଖାଉଥିବା ଲୋକମାନେ ଏହାକୁ ଅତି ଉତ୍ସାହର ସହିତ ଖାଇଥାନ୍ତି। କିନ୍ତୁ ଏଗୁଡ଼ିକ ସତ୍ତ୍ୱେ ମଧ୍ୟ କିଛି ଲୋକ ଅଛନ୍ତି , ଯେଉଁମାନେ ରସୁଣକୁ ଘୃଣା କରନ୍ତି। ସେମାନେ ଖାଦ୍ୟରେ ରସୁଣ ଖାଇବା ଅତ୍ୟନ୍ତ ଅଦରକାରୀ ଭାବିଥାନ୍ତି। ସେମାନେ କେବେ ମଧ୍ୟ ରସୁଣ ଖାଆନ୍ତି ନାହିଁ। କିନ୍ତୁ ରସୁଣର କିଛି ଲାଭକାରୀ ଗୁଣ ରହିଛି , ଯାହାକୁ ଜାଣିବା ମାତ୍ରେ ରସୁଣ ନ ଖାଉଥିବା ଲୋକମାନେ ମଧ୍ୟ ରସୁଣ ଖାଇବା ଆରମ୍ଭ କରିବେ। ଆୟୁର୍ବେଦରେ ରସୁଣକୁ ଅନେକ ରୋଗର ବିନାଶକାରୀ ବୋଲି ବର୍ଣ୍ଣନା କରାଯାଇଛି , କାରଣ ରସୁଣରେ ଅନେକ ରୋଗନିରୋଧକ ଉପାଦାନ ରହିଥାଏ , ଯାହା ଅନେକ ରୋଗରୁ ରକ୍ଷା କରିଥାଏ।
ପେଟ ରୋଗରୁ ମୁକ୍ତି:-
ପେଟ ସମ୍ବନ୍ଧୀୟ ରୋଗ ଯେପରିକି ତରଳଝାଡ଼ା , କୋଷ୍ଠକାଠିନ୍ୟ ଭଳି ରୋଗରୁ ରକ୍ଷା କରିବାରେ ରସୁଣ ଅତ୍ୟନ୍ତ ଲାଭଦାୟକ ସାବ୍ୟସ୍ତ ହୋଇଥାଏ। ଯଦି ପ୍ରତି ସକାଳେ ରସୁଣର ପାଣି ସେବନ କରାଯିବ , ତେବେ ଏହି ରୋଗ ଗୁଡିକରୁ ରକ୍ଷା ମିଳିପାରିବ। ଏଥିପାଇଁ ଆପଣ ଏକ ପାତ୍ରରେ ପାଣି ଫୁଟାଇ ସେଥିରେ ରସୁଣର ୨-୩ ଟି କଲି ମିଶାଇ ଦିଅନ୍ତୁ ଓ ତାପରେ ସେହି ପାଣିକୁ ଛାଣି ପିଅନ୍ତୁ। ଏଭଳି କରିବା ଦ୍ୱାରା ଏହି ରୋଗଗୁଡିକୁ ରୋକିବାରେ ସାହାଯ୍ୟ ମିଳିପାରିବ।
ହୃତପିଣ୍ଡର ଚିକିତ୍ସା:-
ରସୁଣ ଅନେକ ହୃତପିଣ୍ଡ ସମ୍ବନ୍ଧୀୟ ରୋଗରୁ ମଧ୍ୟ ସାହାଯ୍ୟ କରିଥାଏ। ରସୁଣ ଖାଇବା ଦ୍ୱାରା ହୃଦଘାତର ଆଶଙ୍କା କମିଯାଏ। ଏବଂ ଯଦି ରସୁଣକୁ ନିୟମିତ ଭାବରେ ସେବନ କରାଯିବ , ତେବେ ଶରୀରରେ ରକ୍ତ ଜମାଟ ବାନ୍ଧିବାର ସମସ୍ୟା କେବେ ମଧ୍ୟ ଉତ୍ପନ୍ନ ହେବ ନାହିଁ।
ହଜମ ପ୍ରକ୍ରିୟାରେ ଉନ୍ନତି:-
ଖାଦ୍ୟ ହଜମ ହେବାକୁ ନେଇ ଅନେକ ଲୋକଙ୍କର ଅନେକ ସମସ୍ୟା ହୋଇଥାଏ। ସେମାନଙ୍କର ଖାଦ୍ୟ ସଠିକ ଭାବରେ ହଜମ ହେଉ ନାହିଁ ବୋଲି ତାଙ୍କର ଅସୁବିଧା ରହିଥାଏ। ଏହିଭଳି ସମସ୍ୟାରେ ରସୁଣର ବ୍ୟବହାର ଅତ୍ୟନ୍ତ ଲାଭକାରୀ ପ୍ରମାଣିତ ହୋଇଥାଏ। ଏଥିପାଇଁ ଆପଣ ଖାଲି ପେଟରେ ରସୁଣ କଲି ଚୋବାନ୍ତୁ , ଏହାଦ୍ୱାରା ଭୋକ ବଢିବା ସହିତ ହଜମ ପ୍ରକ୍ରିୟା ମଧ୍ୟ ଉନ୍ନତ ହେବ।
ଥଣ୍ଡା କାଶରୁ ସାହାଯ୍ୟ କରିଥାଏ:-
ରସୁଣ ଖାଇବାଦ୍ୱାରା ମଧ୍ୟ ଥଣ୍ଡା କାଶ ଭଳି ଛୋଟ ରୋଗରୁ ସୁସ୍ଥ ହେବା ପାଇଁ ସାହାଯ୍ୟ ମିଳିଥାଏ। ରସୁଣକୁ ସେବନ କରିବା ଦ୍ୱାରା ମଧ୍ୟ ଏହି ରୋଗଗୁଡିକ ପଳାୟନ କରନ୍ତି। ଏଥିପାଇଁ ଆପଣ ରସୁଣକୁ ମହୁ ସହିତ ସେବନ କରନ୍ତୁ। ଏଭଳି କରିବା ଦ୍ୱାରା ଆମ ଶରୀରରେ ଉତ୍ତାପ ବଢିଥାଏ ଏବଂ ଥଣ୍ଡା କାଶ ଅତିଶୀଘ୍ର ଭଲ ହୋଇଯାଏ।
ବନ୍ଧୁଗଣ ଯଦି ଏହି ଆର୍ଟିକିଲଟି ଭଲ ଲାଗିଲା ତେବେ ଗୋଟିଏ ଲାଇକ କରିବା ସହିତ ଏହାକୁ ସେଆର କରି ଦିଅନ୍ତୁ।
